جىل باسىنان بەرى ەسىل اۋدانىندا بەلگىلەنبەگەن ورىنداردا قوقىس توككەنى ءۇشىن 65 ءىرى جۇك كولىگىنىڭ جۇرگىزۋشىسى ۇستالدى، دەپ حابارلايدى استانا اكىمدىگىنىڭ رەسمي سايتى.

ەسىل اۋداندىق ءىىب جپق تابيعاتتى قورعاۋ پوليسياسى بولىمشەسىنىڭ قىزمەتكەرلەرى سانكسياسىز توگىلگەن قالدىقتاردى انىقتاۋ ءۇشىن 6 قازان كۇنى كەزەكتى رەيد جۇرگىزدى. شارا بارىسىندا نۇرا-ەسىل كانالىنىڭ بويى مەن قورعالجىن تاس جولىنىڭ بويىنا قۇرىلىستان قالعان قوقىستاردى توككەن 2 جۇرگىزۋشىنى ۇستادى.

«اتالعان فاكتى بويىنشا بۇزۋشىلاردىڭ ءارقايسىسىنا 48 مىڭ تەڭگە اكىمشىلىك ايىپپۇل سالىندى، ال ولاردىڭ اۆتوكولىكتەرى ايىپپۇل تۇراعىنا اكەتىلدى. قوقىستىڭ «نوۆا سيتي» تۇرعىن ءۇي كەشەنىنىڭ قۇرىلىسى ءجۇرىپ جاتقان وبەكتىدەن شىعارىلعاندىعى بەلگىلى بولدى.

قورشاعان ورتانى لاستاۋ فاكتىسى بويىنشا ماتەريالدار ەكولوگيا دەپارتامەنتىنە شارا قولدانۋ ءۇشىن جىبەرىلدى»، - دەلىنگەن اۋداندىق ءىىب جپق تابيعاتتى قورعاۋ پوليسياسى بولىمشەسىنىڭ حابارلاماسىندا.

جىل باسىنان بەرى اۋداندا بەلگىلەنبەگەن ورىنداردا قوقىس توككەنى ءۇشىن 65 اۆتوكولىك ۇستالىپ، 2 ملن تەڭگەدەن اسا ايىپپۇل سالىندى.