لەسلي ستوۆالل اتتى ادۆوكات «يۋۆەنتۋس» پەن پورتۋگاليا قۇراماسىنىڭ شابۋىلشىسى كريشتيانۋ رونالدۋ جالعىز كەترين مايورگانى زورلاماعانىن ايتتى دەپ حابارلايدى Qamshy.kz اقپارات اگەنتتىگى Daily Mail سايتىنىڭ دەرەگىن نەگىزگە الىپ.
«ماعان تانىمال سپورتشىدان زارداپ شەككەنىن ايتىپ تاعى ءبىر ايەل قوڭىراۋ شالدى»، - دەيدى ستوۆالل. ادۆوكات زارداپ شەككەن ەكىنشى ايەلدىڭ اتىن ايتپادى. الايدا ادۆوكاتتىڭ ايتۋى بويىنشا، زارداپ شەككەن ايەل فۋتبولشىدان زورلىق كورگەنى تۋرالى لاس-ۆەگاس پوليسياسىنا اقپارات بەرەتىنىن ايتقان.
28 قىركۇيەكتە شەتەلدىك سانبيكە مايورگا العاش رەت رەسمي تۇردە رونالدۋدى ايىپتاعان بولاتىن. بۇل وقيعا 2009 جىلى لاس-ۆەگاستا بولعان. كەترين مايورگانىڭ ايتۋى بويىنشا، سپورتشى كەيىن وعان وتەماقى رەتىندە 375 مىڭ دوللار تولەگەن.
رونالدۋ بۇل ايىپتاۋلاردى مويىندامادى جانە ونىمەن سوتتاسپاق. مايورگامەن سوتتاسۋ كەزىندە فۋتبولشى پورتۋگاليا قۇراماسىنىڭ الداعى ماچتەرىنە قاتىسا المايدى. ال رونالدۋدىڭ قازىرگى سۇيىكتىسى دجوردجينا رودريگەس تانىمال سپورتشىدان سىرت اينالماي، قولداۋ بىلدىرگەن بولاتىن.
