ۋفا قالاسىنداعى پوليسيا قىزمەتكەرلەرىنە ماكگرەگوردىڭ اتىنان بەلگىسىز ازامات حابيب نۇرماعامەدوۆكە ارىز جازعان. بۇل تۋرالى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ حابارلايدى. ءوزىن كونور ماكگرەگور دەپ تانىستىرعان جىگىت ۋفا قالاسىندا حابيب نۇرماعامەدوۆتىڭ سوققىعا جىققانىن ايتىپ، ارىزدانعان. الايدا پوليسيا قىزمەتكەرلەرى بۇل ىسكە قاتىستى تەرگەۋ جۇمىستارى جۇرگىزىلمەيتىنىن مالىمدەگەن.
"سەبەبى كونور ماكگرەگور مەن حابيب نۇرماعامەدوۆ اراسىنداعى جەكپە-جەك ۋفادا ەمەس، لاس-ۆەگاس قالاسىندا ءوتتى"،- دەيدى ۋفا قالاسىنىڭ پوليسيا قىزمەتكەرلەرى.
ەسكە سالا كەتسەك، كونور ماكگرەگور مەن حابيب نۇرماعامەدوۆتىڭ اراسىنداعى عاسىر جەكپە-جەگى 6 قازاندا لاس-ۆەگاس قالاسىندا ءوتتى. اتالمىش جەكپە-جەكتە حابيب نۇرماعامەدوۆ كونوردى تۇنشىقتىرۋ ءتاسىلى ارقىلى جەڭدى. ءبىراق جەكپە-جەكتەن كەيىن حابيب نۇرماعامەدوۆ پەن كونور ماكگرەگور كومانداسىنىڭ اراسىندا توبەلەس بولىپ، شۋ شىققان بولاتىن. اتالمىش كەلەڭسىز جايت ءۇشىن حابيب نۇرماعامەدوۆ جانكۇيەرلەردەن كەشىرىم سۇرادى.
