10 قازان كۇنى تۇركىستان قالاسىندا «ارىس جاعاسىندا» رەترو-فەستيۆالى ءوتۋى ءتيىس بولاتىن. قازاقستاننىڭ حالىق جازۋشىسى، قوعام قايراتكەرى شەرحان مۇرتازانىڭ قايتىس بولۋىنا بايلانىستى بۇل كونسەرت كەيىنگە شەگەرىلدى دەپ حابارلايدى Qamshy.kz اقپارات اگەنتتىگى.
بيىل توعىزىنشى رەت قولعا الىنعان ونەر مەرەكەسى تۇركىستاندا تۇڭعىش رەت وتكەلى تۇرعان. ەلىمىزدىڭ ءار وڭىرىنەن كەلگەن بەلگىلى ونەر جۇلدىزدارى مەن ۇجىمدارى، ءتۇسىرىلىم توپتارى دا كونسەرتكە دايىن ەدى. ۇلت قايراتكەرىنىڭ قازاسىنا بايلانىستى تۇركىستان وبلىسىنىڭ اكىمى جانسەيىت تۇيمەبايەۆ وسىنداي شەشىم قابىلدادى.
"تۇركىستان قالاسىنىڭ تۇرعىندارى مەن قوناقتاردان، ونەرپازداردان تۇسىنىستىك تانىتۋلارىن سۇرانامىز. رەترو-فەستيۆالدىڭ قاشان وتەتىنى تۋرالى الدىن الا حابارلانادى" دەپ جازادى تۇركىستان وبلىسى اكىمىنىڭ باسپا ءسوز قىزمەتى.
