قازاقتىڭ ازۋلى اقىنى داۋلەتكەرەي كاپ ۇلى ق ر جازۋشىلار وداعىنىڭ استانا قالاسى فيليالىنىڭ ديرەكتورى بولىپ تاعايىندالدى دەپ فەيسبۋكتە ءسۇيىنشى سۇراپ، قۇتتىقتاپ جاتقانداردىڭ قاراسى كوپ. Qamshy.kz اقپارات اگەنتتىگى دە داۋلەتكەرەي كاپۇلىن جاڭا قىزمەتپەن قۇتتىقتاپ وتىرىپ، وقىرمان قاۋىمعا ايتىسكەر اقىننىڭ بيوگرافياسىنا كوز شالۋدى ۇسىنادى. 

داۋلەتكەرەي كاپ ۇلى 1977 جىلى 9 تامىزدا دۇنيەگە كەلگەن. ءال-فارابي اتىنداعى قازمۇۋ-دىڭ فيلولوگيا فاكۋلتەتىن، (1995-1999) ل.ن. گۋميليەۆ اتىنداعى ەۇۋ-نىڭ ماگيستراتۋراسىن (2000-2002) بىتىرگەن. اتالمىش ۋنيۆەرسيتەتتىڭ PhD دوكتارانتى. حالىقارالىق، رەسپۋبليكالىق اقىندار ايتىسىنىڭ بىرنەشە دۇركىن جەڭىمپازى. 2000 جىلى «جۇلدىز» جۇرنالى جاريالاعان ا.ىبىرايەۆ اتىنداعى رەسپۋبليكالىق جازبا اقىندار ءمۇشايراسىنىڭ باس جۇلدەسىن، IIIء-شى حالىقارالىق شىعارماشىل جاستاردىڭ شابىت فەستيۆالىنىڭ پوەزيا نوميناسياسى بويىنشا گران-پريدى يەلەنگەن. «جىر ءتاڭىرى»، «ولەڭگە اركىمنىڭ-اق بار تالاسى»، «جاس اقىندار جىرلارىنىڭ انتولوگياسى»، «بايبەسىك تۇمالارى»، «تاۋەلسىزدىكتىڭ نۇرلى تاڭى»، «شابىت»، «جيدەباي»، «جانارتاۋ»، «ازاتتىق تاڭىنداعى ازات جىر» ت.ب. قازاق اقىندارىنىڭ بىرىككەن جىر جيناقتارىندا ولەڭ-جىرلارى جاريالانعان. «ءسۇتتى ءىڭىر»،(2007)، «بۇلدىرگەن اعىپ تۇسكەنشە» (2011) اتتى جەكە جىر جيناقتارى جارىق كورگەن. تۇركيانىڭ ادانا (تارسۋس) قالاسىندا وتكەن تۇركىتەكتەس حالىقتاردىڭ قاراجولان اتىنداعى سەگىزىنشى ەلارالىق پوەزيا فەستيۆالىنىڭ لاۋرەاتى. دارىن مەملەكەتتىك جاستار سىيلىعىنىڭ لاۋرەاتى. ەكى دۇركىن مەملەكەتتىك ستيپەنديا يەگەرى. قازاقستان جازۋشىلار وداعىنىڭ مۇشەسى.