الماتىدا «دينارا» كافەسى جانىپ كەتتى
الماتىنىڭ جوروكوۆ كوشەسىندەگى «دينارا» كافەسى تاعى ساعات 4.16 شاماسىندا تولىقتاي جانىپ كەتتى. ءقازىر تۇنگى بولعان وقىس وقيعانىڭ كورىنىستەرىن تۇرعىندار مەن كۋا بولعاندار الەۋمەتتىك جەلى مەن ينتەرنەتكە سالۋدا.
الماتى قالالىق توتەنشە جاعداي دەپارتامەنتىنىڭ رەسمي وكىلى ساندۋعاش بايمۇحامەدوۆانىڭ ايتۋىنشا، ءورت ءسوندىرۋ كولىگى وقيعا بولعان جەرگە 7 مينۋتتا جەتكەن. سونىمەن قاتار، كافەنىڭ جانىندا تۇرعان Toyota RAV4 جانە Nissan Primera اۆتوكولىكتەرى دە تۇگەلدەي وتقا ورانعان. ىستىق جالىننان Nissan Tino، Toyota Avensis، Mitsubishi Outlander، Subaru Legacy كولىكتەرىنىڭ سىرتقى كورپۋستارى كۇيگەن. سونداي-اق كافەنىڭ جانىنداعى عيماراتتاردىڭ ءبىرقاتار تەرەزە جاقتاۋلارىنا دا ىستىق جالىن تيگەن.
توتەنشە جاعداي دەپارتامەنتى رەسمي وكىلىنىڭ ايتۋىنشا، 280 شارشىمەتر اۋماقتى قامتىعان ءورت ءبىر ساعاتتىڭ ىشىندە وشىرىلگەن.
پىكىر قالدىرۋ