دونالد ترامپتىڭ جوسپارلارى، ارالاساتىن، تەلەفون ارقىلى سويلەسەتىن ادامدارى، جالپى ءار قادامى كىمگە قىزىق، كىمگە كەرەك؟ اقش-تىڭ سوڭعى جاڭالىقتارىنا شولىپ شىقساق، قىتايعا قارسى ساۋدا سوعىسى تۋرالى اقپاراتقا كەزىگەسىز. مۇنى ەسكەرسەك، «ترامپتىڭ جوسپارى قىتايدى الاڭداتادى» دەپ بىردەن ايتا سالۋعا بولادى. بيىل 24 قىركۇيەكتە ترامپ 200 ميلليارد دوللار كولەمىندەگى قىتايلىق تاۋاردان باس تارتاتىنى تۋرالى مالىمدەگەن. الايدا تەك جۇڭگو عانا ەمەس، ترامپتىڭ جوسپارلارى جايلى جاسىرىن تۇردە انىقتاپ جاتقان تاعى ءبىر مەملەكەت بار ەكەن. ول – رەسەي. ترامپ پەن ءپۋتيننىڭ اراسىنداعى «دوستىق» قارىم-قاتىناسقا قاراماستان، رەسەيلىكتەر اقش پرەزيدەنتىنىڭ تەلەفونىن تىڭدايتىن بولىپ شىقتى. بۇعان اقش-تىڭ رەسەيگە سالىپ جاتقان سانكسيالارى اسەر ەتۋى مۇمكىن.

بۇل تۋرالى ترامتىڭ كومەكشىلەرى پرەزيدەنتكە تالاي ەسكەرتكەن.  

ەسىمدەرىن جاسىرعان بەلگىسىز شەنەۋنىكتەردىڭ سوزىنشە، امەريكالىق ارنايى قىزمەت ورگاندارى ترامپتتىڭ تەلەفونى تىڭدالاتىنىن انىقتاپتى. جۇڭگو تاراپى اقش-تاعى ساۋدا سوعىسى جايلى اقپاراتتى بىلۋگە تىرىسىپ باقسا، رەسەيدىڭ ماقساتى – جۇمباق.

اقپاراتقا سايكەس، قىتايلىقتار ترامپتىڭ تەلەفون ارقىلى ءجيى سويلەسەتىن ادامدارىنىڭ ءتىزىمىن جاساعان.

♦جۇڭگو ءجۋرناليسى ترامپقا العىس جاۋدىردى (ۆيدەو)

قىتايلىقتار جاساعان ءتىزىمنىڭ كوشىن باستاپ تۇرعاندار مىنالار: Blackstone Group كومپانياسىنىڭ اتقارۋشى ديرەكتورى ستيۆەن شۆارسمان. ول پەكيندەگى سينحۋا ۋنيۆەرسيتەتىنىڭ ماگيسترلىك باعدارلاماسىن قارجىلاندىرىپ وتىرعان ميللياردەر جانە لاس ۆەگاستاعى كازينولاردىڭ ءبىرىنىڭ باسشىسى بولعان، ميللياردەر ستيۆ ۋينن. ونىڭ بۇگىنگى تاڭدا ماكاودا جەكە بيزنەسى بار. ءۋيننىڭ وكىلى قانداي دا ءبىر پىكىر بەرۋدەن باس تارتتى. شۆارسمان قۋانا-قۋانا پىكىر ءبىلدىردى. ايتۋىنشا، ەكى مەملەكەت اراسىنداعى تۇيتكىلدى ماسەلەلەردى شەشۋگە قاشان دا دايىن ەكەن.

ترامپ ادەتتە سەنىمدى، قورعالعان تەلەفون جەلىسىن قولدانادى. الايدا رەسمي ەكى iPhone-ى مەن جەكە تەلەفونىنان باس تارتپاق ويى جوق. جۇمىس تەلەفونى ۇلتتىق قاۋىپسىزدىك اگەنتتىگىمەن قورعالعان بولسا، نومىرلەرى ساقتالعان جەكە ۇيالىسىن ارنايى ورگاندار ءالى كۇنگە دەيىن باقىلاۋعا الماعان.

بۇعان قاتىستى Apple كومپانياسى پرەزيدەنتتىڭ iPhone-ى تۋراسىندا پىكىر بىلدىرۋدەن باس تارتتى.

ال ترامپتىڭ تەلەفنوى قاشانعا دەيىن تىڭدالاتىنى، پرەزيدەنتتىڭ ءارى قارايعى ارەكەتى بەلگىسىز.