مونيكا كامۋكەندج كامگانزا ەسىمدى كونگولىق 2017 جىلى قازاق ەلىنە ەكسپو كەزىندە جۇمىس جاساۋ ءۇشىن كەلگەن ەكەن.  قازاقستاندىق جىگىتكە (ايەلدىڭ ايتۋىنشا سۇيىكتىسىنىڭ ۇلتى قازاق) عاشىق بولىپ، ودان اياعى اۋىرلاعان. sputniknews.kzء-تىڭ دەرەگىن نەگىزگە الساق، ۇستىمىزدەگى جىلدىڭ تامىزىندا ەلوردالىق پەرزەنتحانالارىنىڭ بىرىندە امان-ەسەن قىز بالانى دۇنيەگە اكەلەدى. دۇنيە ەسىگىن اشقان قىزىنا بلەسسينگ دەگەن ەسىم بەرىپتى. 27 جاستاعى مونيكا كامگانزا زاڭ بىلمەستىكتىڭ كەسىرىنەن ۆيزاسىن ۇزارتۋدى بىلمەگەن. سوندىقتان دا مونيكا بۇگىندە ءوز وتانىنا كونگو مەملەكەتىنە قايتۋعا ءماجبۇر. ءبىراق مونيكانىڭ قازاقستاننان كەتكىسى كەلمەيدى ەكەن. ول بالاسىمەن بىرگە قازاق ەلىندە قالىپ، ءومىر ءسۇرۋدى رۇقسات ەتسە دەيدى. بۇگىنگى تاڭدا الەۋمەتتىك جۇمىسكەرلەر مونيكاعا قۇجات راسىمدەۋگە قول ۇشىن بەرۋدە.

ىشكى ىستەر ءمينيسترى قاسىموۆ، نازاربايەۆتىڭ سوزىمەن ايتساق، ەلىمىزدەگى ەڭ تاجىريبەسى مول پوليسەي «بۇل ماسەلەنى ەلشىلىكپەن بىرلەسە وتىرىپ شەشەمىز» دەپ كەسىپ ايتتى.