مىناۋ ارتىمداعى اباي ءومىرىنىڭ سوڭعى 11 جىلىن وتكىزگەن ءۇي. كەزىندە مۇنى اقىننىڭ ءوزى سالدىرىپتى. بۇگىندە مۋزەيگە اينالعان. جوندەۋ جۇمىستارى جۇرگىزىلگەن ارينە، دەسە دە سول قالپىندا ساقتالعان. ءحىح عاسىردىڭ سوڭىندا ىرگەسى قالانعان شاڭىراق قوي، ەدەندەرى سىقىر-سىقىر ەتەدى. قۇددى، اباي زامانىنان سىر شەرتىپ تۇرعانداي. وزگە الەمگە ءتۇسىپ كەتكەندەي اسەردە بولدىق.
⠀
مۋزەيدەگى ءار جادىگەرگە قارايسىڭ دا، كونە تاريحپەن تىلدەسكەندەي كۇي كەشەسىڭ. ەكى ادامنىڭ قۇلاشى جەتەتىن كىسە بەلبەۋى اقىننىڭ الىپ ادام بولعاندىعىن كورسەتسە، جازۋ ۇستەلى مەن كىتاپ جيىلعان سورە ابايدىڭ اقىندىق بولمىسىن اشىپ تۇرعانداي. ءدىلدا، ايگەرىمدەردەن قالعان توسەك تە كوز الدىڭا "اباي جولىنان" تالاي وقيعانى ەلەستەتەدى. قۇنانبايدىڭ مەككەدەن كيىپ كەلگەن تاقياسىنىڭ ءوزى قاجىنىڭ بۇكىل عيبراتتى ءومىرىن جادىڭدا تىرىلتۋگە جەتىپ جاتىر. تاعى ءبىر بۇرىشقا ابايدىڭ پروتەز ءتىسى قويىلىپتى. اڭىز ادامىمىزدىڭ ءتىسى قىزىق كورىنىپ، ۇزاق قاراپ تۇرىپ قالدىم.
⠀
جانە ءبىر دەرەك، بۇل ۇيدە اباي العاشقى ايەلى دىلدامەن نەمەسە كەيىن العان ايەلى ايگەرىممەن دە ەمەس، وسپان ءىنىسىنىڭ بايبىشەسى، ءوزى امەڭگەرلىكپەن العان ەركەجانمەن تۇرعان.
⠀
مەن مۋزەيدىڭ ىشىنەن ادەيى فوتو قويمادىم. ويتكەنى، سەمەيگە بارساڭىزدار، جيدەيبايداعى وسى مۋزەيگە مىندەتتى تۇردە بارىڭىزدار. اباي الەمىنە سۇڭگيسىزدەر. ءارى ءاربىرىڭىزدىڭ الاتىن اسەرىڭىز دە ءارتۇرلى بولماق.
اباي مۋزەيىن كورگەندەرىڭىز بەن كورگىلەرىڭىز كەلەتىندەر قول كوتەرىپ قويىڭىزدار ☺️
مارفۋعا شاپيان
