كەشە ءتۇس اۋا وسكەمەنگە كەلىپ جەتتىك. اۋەجايدان تۇسە سالعانداعى اۋانىڭ ەرەكشەلىگى بىردەن بىلىنەدى. شىعىستىڭ بۇل شىرايلى قالاسىنا تابانىم تۇڭعىش ءتيىپ تۇر. تابيعات ەرەكشەلىگى بىردەن باسقاشا ەكەنى ءبىلىنىپ تۇر. تاماقتانىپ العاننان كەيىن وسكەمەن ءوڭىرىنىڭ كورىكتى جەرلەرىمەن تانىسۋدى باستاپ كەتتىك.
⠀
العاش بارعان جەرىمىز شىعىس ءوڭىرىنىڭ ءىنجۋ مارجانى سانالاتىن سىبە كولدەرى بولدى. وسكەمەن قالاسىنان 100 شاقىرىمداي قاشىقتىقتا ورنالاسقان سىبە كولدەرىنە كەشقۇرىم جەتتىك. بۇل ءوزى بەس كولدەن تۇرادى ەكەن. اتاۋى قالماقتىڭ "سەبىن" سوزىنەن شىققان دەسەدى. ياعني، "سابىندى كول". سونداعىلاردىڭ ايتۋىنشا، سۋى مايدا، تانگە جۇمساق تيەدى.
⠀
ءبىز ءتورتىنشى كولگە كەلىپپىز. اينالاسىن تاستى تاۋ قورشاعان، سونداي كورىكتى جەر. كولدىڭ اينالاسىنا دەمالىس ورىندارى سالىنعان، ءالى دە سالىنىپ جاتىر. دەمالۋشىلار دا بارشىلىق. تاستى تاۋعا شىعىپ، كولدى بيىكتەن تاماشالادىق. جولدان جىلان كورىپ، زارەمىز ءبىر ۇشتى. وزدەرى ەلەمەيدى دە. دەمالۋعا سونداي قولايلى جەر ەكەن. ەگەر جازدا شىعىس جەرىنە تابان تىرەيتىن بولساڭىز، دەمالاتىن ورىندى الىستان ىزدەمەسەڭىز بولادى. سىبە كولدەرىن بەتكە الىپ، تارتىپ كەتىڭىز. مۇنداعى تىنىشتىق پەن جانعا جايلىلىقتى باسقا جەردەن سەزىنگەن ەمەن...
مارفۋعا شاپيان
