«تۇرىكمەن ءتورىن بەرمەيدى» دەۋشى ەدى. سولاي بولىپ تۇر، شىندىعىندا. تۇرىكمەنستاننىڭ پرەزيدەنتى گۋربانع ۇلى بەردىمۇحامەدوۆ جاقىندا 520 مىڭ دوللارعا ساتىپ العان كولىگىن سىناقتان وتكىزدى. ال حالقى بولسا، كەدەي. دۇكەندە ناننىڭ كەزەگىنە تۇرعاندار كوبەيىپ بارادى. كەيبىر اڭگىمەلەرگە قاراعاندا، بۇرىن تەگىن پايدالانىلىپ كەلگەن ەلەكتر قۋاتى مەن «كوگىلدىر وتىن» ەندى اقىلى بولىپ جاتىر. سوعان قاراعاندا، بار-جوعى 4-5 ميلليون حالقى بار مەملەكەتتى اسىراۋ وڭايعا سوقپاي تۇرعان سياقتى.
ءبىراق گۋربانع ۇلى بەردىمۇحامەدوۆتىڭ جاعدايى جاقسى. جاقىندا ءوزى ساتىپ العان كولىكتى قايتادان جوندەۋدەن وتكىزدى. تۇرىكمەننىڭ قۇم جولىندا باعىن سىناپ تا كوردى. ىلدي مەن قىرعا قينالماي شىعاتىن اۆتوكولىك پرەزيدەنت بەردىمۇحامەدوۆكە ۇناعان سياقتى. از-كەم جوندەۋدەن كەيىن تۇرىكمەن باسشىسى وسى كولىكپەن «امۋل-حازار» اۆتوراللي جارىسىنا قاتىسىپ كورمەك.
تۇرىكمەن پرەزيدەنتىنىڭ تۇرىنە قاراساڭ، ەل تۇرعىندارى باقىتتى ءومىردى باستان كەشىپ جاتقان سياقتى. تۇرىكمەننىڭ اقالتەكە ارعىماعىنا ءمىنىپ، اۆتوراللي جارىسىنا قاتىسۋعا دايىن وتىرعان پرەزيدەنت وتكەندە تاعى دا بالا-شاعاسىمەن بىرگە «اۆازا» تۋريستىك ايماعىنا بارىپ، دەمالىپ قايتتى.
♦ تۇرىكمەنستاندا تاعى دا نان جوق
♦ تۇرىكمەنستان بيلىگى ازىق-تۇلىك كارتوچكالارىن ەنگىزۋگە جاقىن
«بۇل دەمالىستان كەيىن ءبىزدىڭ پاتشانىڭ شىعارماشىلىق قۋاتى ارتىپ، دۇنيەگە عالامات تۋىندىلار اكەلەتىنىنە سەنىمىمىز اسامول. جاساي بەرسىن، ءبىزدىڭ اركاداگ»، –دەپ جازدى «حرونيكا تۋركمەنيستانا» باسىلىمى. گيتارادا شەبەر ويناپ، جانىنان ءان شىعاراتىن بەردىمۇحامەدوۆتىڭ اڭىز عىپ ايتار مۇنداي «ايشىقتى ىستەرى» وتە كوپ.
«بىلتىر ەلدەگى قارا ماشينالاردى تۇگەلدەي اق تۇسكە بوياتقان «اركاداگ» ءقازىر ويىنا كەلگەنىن ىستەپ ءجۇر» دەسەك، قاتەلەسپەيمىز.
...بەيتاراپ ەلدىڭ باقىتتى پرەزيدەنتى ءبىراق جەكە باسقا تابىنعان حالقىنىڭ بەيشارا تاعدىرىنا الاڭداي ما ەكەن؟!
