«باسپانا» يپوتەكالىق ۇيىمى «7-20-25» باعدارلاماسى بويىنشا سەرتيفيكاتتاردىڭ قالاي بەرىلەتىنى تۋرالى ايتىپ بەردى، دەپ حابارلايدى Qamshy.kz اقپارات اگەنتتىگى.

باسقارما ءتوراعاسى قايرات التىنبەكوۆ سۋبسيديالاۋ بويىنشا اكىمدىكتىڭ قالاي جۇمىس ىستەيتىنىن ايتىپ بەردى.

«بۇل دەگەنىمىز قايتارىمسىز تۇردەگى الەۋمەتتىك كومەك پەن ۇزاق مەرزىمدەگى پايىزسىز نەسيە. پايىزسىز نەسيەنى اكىمدىكتىڭ ءوزى تاراتاتىن بولادى نەمەسە اكىمدىكتىڭ قۇرىلىمى بويىنشا ەسەپ بەرىلەدى»، - دەدى التىنبەكوۆ.

ونىڭ سوزىنە سەنسەك، نەگىزىنەن ازاماتتار تابىسىن ناقتىلاپ، تولەي الاتىنىنا سەنىم بىلدىرمەسە، وعان نەسيە بەرىلمەيدى.

سەرتيفيكاتتاردىڭ تاراتىلۋى جاعدايدى جاقسى جاعىنان وزگەرتۋگە ءتيىس. تۇرعىن ءۇي باعدارلاماسىنىڭ وپەراتورى اكىمدىكتەرگە العاشقى جارنانىڭ 50 پايىزىن سۋبسيديالاۋدى ۇسىندى.

بۇعان قوسا التىنبەكوۆ اكىمدىكتەردىڭ وزىمەن بايلانىستى كەي الاڭداۋشىلىق تۋدىرۋى مۇمكىن ماسەلەلەردى ءتۇسىندىردى.

التىنبەكوۆتىڭ ايتۋىنشا، سۋبسيديالاۋعا بايلانىستى سوڭعى ءسوزدى وبلىسقا، وڭىرگە تيەسىلى.

ءار جاعدايدىڭ ءوز كارتيناسى بولادى.

«كەيبىر وڭىرلەر، ماسەلەن شىمكەنت پەن اقتوبە وبلىستارى جاس وتباسىلار، قارجى سالاسىنىڭ قىزمەتكەرلەرىنە («جاس ارمان» ونىمدەرى جانە «قامقور باسپانا») قارجىلىق جەڭىلدىكتەرگە ارنالعان كەلىسىمدەر جاسالىپ، قول قويىلدى»، - دەدى باسقارما باسشىسى.

ايتۋىنشا، جوعارىدا اتالعان وڭىرلەردە قاراستىرىلعان جەڭىلدىكتەر ءۇشىن ءتيىستى قاراجات بار. -الداعى جوسپار – ەلدىڭ بارلىق وڭىرىندە وسىنداي كەلىسىمدەردى جاساۋ. ءارى التىنبەكوۆ «7-20-25» سەرتيفيكاتتارىن الەۋمەتتىك جانە بيۋدجەت سالاسىندا جۇمىس ىستەيتىن قىزمەتكەرلەردىڭ الاتىنىن ايتتى. ماسەلەن، دارىگەرلەر، مۇعالىمدەر جانە پوليسەي مۇشەلەرى.

ال قارجىنى بەرۋ تۋرالى سوڭعى شەشىمدى اكىمدىك شىعارادى. اكىمدىكتە سەرتيفيكاتتىڭ كىمگە، قانداي جاعدايدا بەرىلەتىنىن انىقتالادى. ايتا كەتەرلىگى، سەرتيفيكات بەرۋ پروسەدۋراسى ءار اۋداندا ءارقالاي ءجۇرۋى مۇمكىن.

«باسپانا» يپوتەكالىق ۇيىمى باسشىسىنىڭ سوزىنشە، سەرتيفيكاتتىڭ ورتاشا نومينالى 1 ميلليون تەڭگەنى قۇرايدى، الايدا قاراجات بۇدان از نەمەسە كوبىرەك بولۋى ابدەن مۇمكىن. ازىرگە 50 مىڭ سەرتيفيكات تاراتىلادى، ءبىراق كوبىسىندە تۇزەتۋلەر ەسكەرىلمەگەن.

ايتا كەتەيىك، ەلباسى نۇرسۇلتان نازاربايەۆ قازاقستان حالقىنا جولداۋى بارىسىندا «7-20-25» باعدارلاماسى بويىنشا قازاقستاندىقتاردىڭ بەلسەندى ەمەستىگىن سىناعان بولاتىن. ءارى حالىققا ءتيىمدى ەتۋدىڭ جولدارىن ويلاستىرۋدى، جۇزەگە اسىرۋدى تاپسىردى. وسىعان وراي شەنەۋنىكتەر دە قۇر جاتپادى. باعدارلاماعا قاتىسۋعا نيەت بىلدىرگەن ازاماتتاردىڭ العاشقى جارناسىن ارزانداتۋ ءۇشىن 50 مىڭعا جۋىق تۇرعىن ءۇي سەرتيفيكاتتارى شىعارىلاتىن بولادى. ال بيىل جىلدىڭ اياعىنا دەيىن جالپى سانى 10 مىڭ سەرتيفيكات قازاقستاندىقتارعا بەرىلمەك.

بۇعان دەيىن دە العاشقى جارنانى ازايتۋ ماقساتىندا شارالار قولدانىلعان. قىركۇيەكتە «7-20-25» باعدارلاماسى اياسىندا «جاس ارمان» مەن «قامقور باسپان» ونىمدەرى ازىرلەنگەن ەدى. ال ەندى وسى ونىمدەر بىرىكتىرىلىپ، العاشقى جارنانى جەڭىلدەتۋ ماقساتىندا 1 ميلليون تەڭگەلىك سەرتيفيكات ازىرلەندى.