اعىلشىنداردىڭ بىزگە دەگەن وكپەسى قارا قازانداي. ويتكەنى، لوندوندا وتەتىن ديماشتىڭ كونسەرتىنە بيلەت تاپپاي دال. بۇل تۋرالى قازاقتىڭ ماقتانىشىنا اينالعان ديماش قۇدايبەرگەندى قابىلداعان مادەنيەت جانە سپورت ءمينيسترى ايتتى. لوندونعا ءبىزدىڭ ديماشتى تىڭداۋعا الەمنىڭ 40 مەملەكەتىنەن كورەرمەن كەلەدى دەپ جازادى Qamshy.kz اقپارات اگەنتتىگى Qazaqstan ۇلتتىق ارناسىنىڭ دەرەگىن نەگىزگە الىپ. 

ديماش قۇدايبەرگەن 19 قاراشا كۇنى لوندوندا وتەتىن كونسەرتكە ءتاس-تۇيىن دايىن. سىنالاتىن تۇسى دا وسى. ويتكەنى، ءان كەشىنە الەمنىڭ 40 ەلىنەن كورەرمەن كەلەدى. شىرقالاتىن شىعارمالاردىڭ 60 پايىزى قازاق تىلىندە ورىندالادى. 

"كىندىك قانىم تامعان جەردە قازاقتىڭ ۇلى تۇلعالارى تىڭ دۇنيەلەردى جارىققا شىعاردى، ال، ءبىز، انشىلەر مۇمكىندىگىنشە ول تۋىندىلاردى ناسيحاتتاۋىمىز كەرەك. مەنىڭ دە ماقساتىم سول. سوندىقتان، قازاقتىڭ حالىق اندەرى كوپتەپ شىرقالاتىنىنا كۇمان كەلتىرمەڭىز. جاڭا اندەر دە بار. ونىڭ قۇپياسىن سىزدەرگە تولىق اشقىم كەلمەيدى. ويتكەنى، ونى كونسەرتتە كورەرمەندەر ءبىرىنشى تىڭداسا دەيمىن"، دەيدى ديماش قۇدايبەرگەنوۆ.

ءبىر جاعى ديماش تۇماندى البيون ەلىنە جان دوسى، وليمپيادا جۇلدەگەرى دەنيس تەننىڭ ارمانىن ورىنداۋ ءۇشىن بارا جاتىر. 

"مەنىڭ كەلەسى كونسەرتىمدە ەكەۋمىز بەيجىڭدە نەمەسە باسقا ەلدە ۇلكەن ستاديوندا كونسەرت بەرىپ، «S.و.S» انىمەن تاندەمدە شىعامىز دەپ ارماعانداعان بولاتىنبىز. ەندى لوندوندا ول ءاندى مەن ءوزىم عانا ورىندايمىن"، دەدى ديماش. ديماش بۇگىن جولعا شىعادى.