سەرگەي دۆورسيەۆويدىڭ "ايكا" كارتيناسى وسلوداعى "FILM fra SØR" 28ء-شى شەتەلدىك كينو فەستيۆالىندە جەڭىمپاز اتاندى دەپ جازادى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الىپ.
قازاقستان اتىنان فورۋمعا كانن كينوفەستيۆالىندە جوعارى جەتىستىككە جەتكەن "ايكا" كارتيناسى، سونداي-اق ۆەنەسيا كينوفەستيۆالىنىڭ جەڭىمپازى، رەجيسسەر ءامىر ءبايعازيننىڭ "ۋروكي گارمونيي"، "رانەننىي انگەل" جانە "رەكا" فيلمدەرى قاتىسقان.
كينوفەستيۆالدە ازيا، افريكا جانە لاتىن امەريكاسى ەلدەرىنەن بارلىعى 80 كارتينا قاراستىرىلعان.
ءادىلقازىلار ءتورت نوميناسيا بويىنشا ماراپات ۇسىندى – "دەرەكتى فيلم"، "كورەرمەن سىيلىعى"، "جاڭا داۋىس" جانە "كۇمىس اينا".
"جاڭا داۋىس" نوميناسياسىندا "ايكا" ءفيلمى جەڭىسكە جەتتى.
"قازاقستاندىق اكتريسا سامال ەسلياموۆا ءبىر ءوزى سەرگەي دۆورسيەۆويدىڭ ءفيلمىن الىپ شىقتى. كامەرا ونىڭ ءاربىر قيمىلىن قالت جىبەرمەي تۇسىرگەن. بەينە كومپوزيسياسى مەن دىبىستىڭ شىنايىلىعى وتە تابيعي شىققان، ەكراننىڭ ار جاعىندا وتىرىپ، ءفيلمنىڭ باستى كەيىپكەرىنىڭ بەتىنە سوققان جەلدىڭ ءيىسىن سەزىپ، ونىمەن بىرگە جۇرەگىمىز اينىپ كەتكەندەي بولادى. "ايكا" سيمۋلياتور سياقتى كورەرمەن مەن ومىردەن باز كەشكەن ءفيلمنىڭ باستى كەيىپكەرىنىڭ اراسىن جاقىنداتىپ جىبەرەدى"، — دەپ نورۆەگ سىنشىلارى ءفيلمدى سيپاتتادى.
