2018 جىلدىڭ 20 قاراشا كۇنى "حابار 24" مىنانداي اقپارات تاراتتى: "قازاقستاندا ءتارتىپ ساقشىلارى الداعى ۋاقىتتا قارا كوك ءتۇستى كيىم كيەتىن بولادى. پوليسەيلەردىڭ فورماسىندا POLITSIIA ءسوزى پايدا بولادى، لاتىن الىپبيىندەگى بۇل جازۋ شيەۆروندارعا دا جازىلادى. كيىمنىڭ قانداي ىڭعايلى ەكەنىن نازاربايەۆقا ىشكى ىستەر ءمينيسترى قالمۇحانبەت قاسىموۆ ايتىپ بەردى. پوليسەيلەر جاڭا فورمانى جاڭا جىلدان باستاپ كيەدى".

جاڭا ەملە ەرەجەلەر بويىنشا پوليسيا ءسوزى «POLITSIIA» ەمەس «POLISIA» دەپ جازىلۋ كەرەك ەدى.

ويتكەنى حالىق اراسىندا ناسيحاتتالىپ جۇرگەن ەملە ەرەجەلەردىڭ 78-پاراگرافىندا «س ءارپى جانە س ءارىپ تىركەسى S ءارپى ارقىلى جازىلادى: sırk، sıfr، sılındr، sırkýl؛ desımetr، medısına، proporsıonal، abzas، kvars، konstıtýsıa، korporasıa، seh؛ senarı، sıofıt، abses، absısa، plebısıt» دەلىنگەن. وسى تاراۋدىڭ ەسكەرتۋىندە «قاتار كەلگەن س ءارپى TS تىركەسى ارقىلى تاڭبالانادى: PITSA، NITSA» دەلىنگەن، ال 83-پاراگرافتىڭ ەسكەرتۋىندە: «ي ارپىنەن كەيىن تۇرعان يا-نىڭ ورنىنا ا جا­زىلادى: qıar، sıa، Túrkıa، jarıa» دەلىنگەن.

♦ەلباسى پوليسەيلەردىڭ سىنعا قالعان جاڭا فورماسىمەن تانىستى (ۆيدەو)

الايدا ەملە ەرەجەلەرى ءالى دە تالقىلانۋ ۇستىندە. مەنىڭ ويىمشا «پوليسيا» ءسوزىن ورىس تىلىندەگى دىبىستالۋى بويىنشا ەمەس، تۋىسقان تۇركى (ازەربايجان، تۇرىك، تۇركىمەن) تىلدەرىندەگىدەي «POLIS» دەپ العان ءجون سەكىلدى.

ازىرگە پوليسيا كيىمى تانىستىرۋ ءۇشىن ۇلگى رەتىندە از دانامەن تىگىلگەن بولار، كەلەسى تىگۋ جۇمىستارىندا «POLITSIIA» سوزىندە كەتكەن ەكى قاتەنى جوندەپ «POLISIA» دەپ وزگەرتەر، بولماسا لاتىن گرافيكاسىن قولدانىپ وتىرعان كورشى تۇركى تىلدەرىندەگىدەي «POLIS» دەپ الار نەمەسە قازاق تىلىنە بەيىمدەپ «PÓLIS» دەپ الار. جالپى العاندا الىپبيدەگى كەيبىر كەمشىلىكتەر تۇزەلمەي تۇرىپ، لاتىن گرافيكاسىن رەسمي مەكەمەلەردە قولدانۋ دۇرىس ەمەس. 

قالدىباي ارىستانبەك ۇلى

ءال-فارابي اتىنداعى قازۇۋ شىعىستانۋ فاكۋلتەتى

تاياۋ شىعىس جانە وڭتۇستىك ازيا كافەدراسى