مۋزەي وتكەن مەن بۇگىندى، بۇگىن مەن بولاشاقتى جالعاستىرار ماڭگىلىك كوپىر دەسەك تە بولادى. وركەنيەتتى ەلدەردىڭ بارىندە دەرلىك ۇلتتىق مۋزەيلەر ۇلتتىق ماقتانىش، رۋحاني وردا بولىپ سانالاتىنى بەلگىلى. مۋزەي عىلىمنىڭ، ءبىلىمنىڭ، مادەنيەتتىڭ قالىپتاسۋىنا ىقپال ەتەتىن عىلىمي مەكەمە رەتىندە وسكەلەڭ ۇرپاقتىڭ تاربيەسىنە، تاريحي سانانىڭ قالىپتاسۋىنا جانە رۋحاني بايۋىنا ىقپال ەتەدى.

قازاقستان رەسپۋبليكاسىنىڭ ۇلتتىق مۇراجايى – تەك ەلىمىزدىڭ عانا ماقتانىشى ەمەس، ول - ورتالىق ازياداعى ەڭ ۇلكەن مۇراجاي. «مادەني مۇرا» مەملەكەتتىك باعدارلاماسى نەگىزىندە 2014 جىلدىڭ 2-شىلدەسىندە قازاقستان رەسپۋبليكاسىنىڭ تۇڭعىش پرەزيدەنتى ن.ءا. نازاربايەۆتىڭ باستاماسىمەن اشىلعان استانا تورىندەگى الىپ عيمارات سىرتقى كەلبەتىمەن قاتار، ىشكى زالدارىنىڭ كوز تارتار كوركەمدىلىگى مەن كونە تاريح قاتپارلارىنان سىر شەرتەتىن قۇندى جادىگەرلەرىمەن دە كەلۋشىلەردى كۇننەن-كۇنگە تاڭىرقاتا تۇسۋدە.

ق ر ۇلتتىق مۋزەيىندە كەزەكتى رۋحاني ءىس-شارانى عىلىمي ادىستەمەلىك جۇمىستار ءبولىمى، ادىستەمە جانە مۋزەيتانۋ سەكتورى 2018 جىلدىڭ 28 قاراشاسىندا ساعات 11:00 - دە عىلىمي كىتاپحانادا ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى تاريح فاكۋلتەتىنىڭ عىلىمي جۇمىستار جونىندەگى دەكاننىڭ  ورىنباسارى تاتيانا ۆاسيليەۆنا باستاعان ءبىر توپ ستۋدەنتتەرمەن «ۇلتتىق مۋزەيگە ساياحات» اتتى كەزدەسۋ ۇيىمداستىردى.

كەزدەسۋ بارىسىندا ستۋدەنتتەرگە مۋزەيگە بايلانىستى اقپاراتتار بەرىلدى. شارادا عىلىمي ادىستەمەلىك ءبولىمنىڭ، ادىستەمە جانە مۋزەيتانۋ سەكتورىنىڭ جەتەكشىسى مەرۋەرت ورازباي قىزى جانە عىلىمي قىزمەتكەر رىستاي بۇركىتباي قىزى مەن ەكاتەرينا پاۆلوۆنا مۋزەيگە بايلانىستى بايانداما جاسادى. ستۋدەنتتەر وزدەرىن  قىزىقتىرىپ جۇرگەن سۇراقتارىنا جاۋاپ الا الدى. كەزدەسۋدەن سوڭ ستۋدەنتتەر عىلىمي قىزمەتكەرلەر وتىراتىن بولىمگە ساياحات جاسادى.

شارادان ستۋدەنتتەر ۇلكەن اسەر الىپ، تاريحىمىزعا تاعى ءبىر مارتە قانىعىپ رۋحاني سۋسىنداپ قايتتى. بولاشاقتا وسىنداي كەزدەسۋلەر ۇنەمى جالعاسىن تاپپاق. 

رىستاي قورعاسبەكوۆا،

ق ر ۇلتتىق مۋزەيىنىڭ كىشى عىلىمي قىزمەتكەرى