مەكتەپتە مۇشەقاپتى مۇشەكتەپ تاراتۋ، قىزدارىمىزعا قولدان تۇسىك جاساۋعا رۇقسات بەرۋ، ءتىپتى سونى دۇرىس ارەكەتكە ساناۋ قازاققا جاسالعان قاستاندىق! مەكتەپتە مۇعالىمدەردىڭ مۇشەقاپ تاراتىپ جاتقانىن كورگەن ۇلداردىڭ ءناپسىسى قوزىپ، سونى تەزىرەك قولدانۋعا اسىقسا، قىزدارىمىز قىزىعىن قىزدايىنان ۇرلاتىپ، قىزىققا نەكەسىز-اق ەرتە باتۋدى دۇرىس ەكەن دەپ ويلايدى. قاشاندا ۇيات نارسەگە جول اشىلىپ، زاڭداستىرىلاتىن بولسا، ونىڭ ادام ساناسىندا كۇنا بولۋدان قالۋى دا زاڭدىلىق.
پروبلەمانى ودان دا ۇلكەن پروبلەمامەن شەشۋگە بولمايدى. ءناجىستى ودان دا اۋىر ناجىسپەن تازالاۋعا بولا ما ەكەن؟ وقۋشىلار اراسىندا جۇكتى بولۋ كوبەيىپ جاتسا، ونىڭ نەگىزگى سەبەبى جاستار رۋحانياتىنىڭ السىرەپ، ازعىنداۋىندا جاتىر. ەندەشە، ونىڭ ەمى دە رۋحانياتتى كۇشەيتۋدە بولماق. پاكتىكتى، ار-مەن ۇياتتى ناسيحاتتاۋدا جاتىر. باسقا جولدىڭ ءبارى تىعىرىق. اياعى قازاقيانى قۇرتۋعا اپارادى. تەكسىزدىككە تىرەيدى. اجىراسۋ كوبەيىپ، وتباسى قۇلدىرايدى. بولاشاعىمىز قۇردىمعا كەتەدى.
مۋفتيات، عۇلامالار كەڭەسى، تەولوگتار، ەلجاناشىرى تانىمال تۇلعالار، ونەر ادامدارى، دەپۋتاتتار ءۇن قاتىڭىزدار!
كوبىرەك بولىسىڭىزدەر!
قايرات جولدىباي ۇلى، فەيسبۋكتەگى پاراقشاسىنان
