مەكتەپتىڭ جەكە قۇرامىمەن ەلباسى نۇرسۇلتان ءابىش ۇلى نازاربايەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جىل سايىنعى جولداۋىن تالقىلاۋ بويىنشا قازاقستان رەسپۋبليكاسىنىڭ تۇڭعىش پرەزيدەنتى —ەلباسى كىتاپحاناسىنىڭ عىلىمي قىزمەتكەرى، فيلوسوفيا عىلىمدارىنىڭ دوكتورى، پروفەسسور تەلەبايەۆ عازيز تۇرىسبەكۇلىمەن كەزدەسۋ ءوتتى.
كەزدەسۋ بارىسىندا عازيز تۇرىسبەك ۇلى ەڭ ءبىرىنشى بيىلعى جولداۋدىڭ قازان ايىندا جارىققا شىعۋ سەبەبى جولداۋدا كورسەتىلگەن نۇسقاۋلاردىڭ كەلەسى جاڭا جىلعا دەيىن جوسپارىن جاساپ، ولاردى شەشۋ جولدارىن قاراستىرۋعا ۋاقىت بولۋ كەرەكتىگىن ايتىپ ءتۇسىندىردى.
ءارى قاراي بۇل جولداۋ – ەلىمىزدى ودان ءارى گۇلدەندىرە بەرۋدىڭ، ەل تۇرمىسىن جاقسارتا ءتۇسۋدىڭ ايقىن دا جارقىن ۇزاق مەرزىمدى باعدارلاماسى ەكەنىن ايتا كەلىپ، ءمۇعالىم مارتەبەسى تۋرالى زاڭ قابىلداۋ، مەديسينا سالاسى قىزمەتكەرلەرىنىڭ جالاقىسىن كوتەرۋ، مەملەكەتتىك قىزمەت پەن قۇقىق قورعاۋ سالاسىنىڭ جۇمىسىن جەتىلدىرۋ سەكىلدى تولعاقتى ماسەلەلەردىڭ ءتۇيىنىن ەلباسىنىڭ اشىپ كورسەتكەنىن ايتتى. قالاي بولعاندا دا قاراپايىم حالىقتىڭ ءبىر سەرپىلىپ قالعانى انىق.. ەرەكشە قۋانتاتىنى، ول – بىرىنشىدەن، جالاقى كوتەرۋ، بۇل ەندى ەكونوميكالىق جاعىنان وتە ماڭىزدى. ال ەكىنشىسى، مەنىڭشە اسا ەرەكشە ءمان بەرەتىن تۇس — ول 2019 جىلدان باستاپ «پەداگوگتار مارتەبەسى» تۋرالى ارنايى زاڭنىڭ قابىلداناتىندىعى. شىنىمەن دە، قوعامدى العا باعىتتاپ تاربيەلەيتىن — ۇستازدار. سونىمەن بىرگە مەملەكەت باسشىسىنىڭ 2019 جىلدى "جاستار جىلى" دەپ جاريالاۋى اسا قۋانتارلىق جاعداي ەكەنى انىق. وسى ارقىلى ول ءوزىنىڭ جاستارعا ۇلكەن سەنىم ارتاتىنىن كورسەتىپ وتىر - دەپ ءتۇسىندىردى عازيز تۇرىسبەك ۇلى.
ۇلت كوشباسشىسى ن.ءا.نازاربايەۆ ۇسىنعان ءتۇرلى سالالارداعى ماسەلەردى شەشۋ جولدارىن جاس ۇلاندىقتار قولدايدى! ەل بولاشاعى ءۇشىن ەڭبەك ەتۋ – اركىمنىڭ مىندەتى. ءبىز ەلباسىمىزدىڭ جاستارعا ارتقان ءۇمىتىن اقتاۋعا دايىنبىز!
مۇنداي كەزدەسۋ – جاس ۇرپاق ومىرىندەگى ماڭىزدى تاربيەلىك ءسات. سول سياقتى ەلدىڭ قازىرگى جاعدايى كورسەتىلگەن، الداعى مىندەتتەر ايقىندالعان جولداۋدى تالقىلاۋ ءبىزدىڭ ەلدىڭ بارلىق ازاماتتارى ءۇشىن ماڭىزدى ەكەنى انىق.
