ەلباسى وتاندىق ب ا ق وكىلدەرىنە بەرگەن سۇحباتىندا «ۇلى دالانىڭ جەتى قىرى» ماقالاسىن قانداي ماقساتتا جازعانىن ايتتى.
– «كەڭەس وداعىندا ءومىر سۇرگەندە ءبىزدىڭ تاريحىمىز «قازان ريەۆوليۋسياسىنان» باستالادى دەپ وقىتتى. ودان ارى قاراي ەشتەڭە جوق سياقتى. ءبارىمىزدىڭ مەكتەپتە دە، جوعارى وقۋ ورنىندا دا وقىعانىمىز وسى. سوندىقتان بالالارىمىز «سەندەر قايدان شىقتىڭدار؟» دەسە، دۇرىستاپ جاۋاپ بەرە المايدى. ءبىزدىڭ ۇلكەن تاريحىمىز بار ەكەنىن جاستارىمىز ءبىلۋى كەرەك. تاريحىمىز ساقتاردان، عۇنداردان، ۇلى تۇركى دۇنيەسىنەن باستاۋ الادى دەسەك تە بولادى. ءبىز سول كەزدەن بەرى قاراي كەلە جاتىرمىز. موڭعولداردىڭ كوبى قىپشاقتار، قازاقتىڭ بىرنەشە رۋىنان قۇرالعان. سوندىقتان وسكەلەڭ ۇرپاق وسىنىڭ ءبارىن ءبىلسىن دەپ جازدىم. ءبىزدىڭ قادىم زاماننان كەلە جاتقان تەرەڭ تاريحىمىز بولعان. كۇنى كەشە عانا اسپاننان سالبىراپ تۇسكەن جوق. ءبىز ۇلكەن تايپالاردىڭ، حالىقتاردىڭ، ۇلكەن يمپەريالاردىڭ ۇرپاعىمىز دەپ جاستارىمىز ايتىپ ءجۇرسىن دەگەن ماقساتپەن جازدىم. سونداي-اق مەن بۇل ماقالانى بۇكىل الەمگە ات ۇيرەتۋ بىزدەن باستالعانىن، مەتاللۋرگيانىڭ بىزدە بولعانىن، عىلىمعا دا، مادەنيەتكە دە ءوزىمىزدىڭ ۇلەسىمىز بار حالىق ەكەنىن كورسەتۋ ءۇشىن جازدىم. مەنىڭشە، بۇل ماقالا جاستارعا كەرەك دەپ ويلايمىن. وسى ارقىلى ءبىز ناعىز تاريحىمىزدى ايتىپ ءجۇرۋىمىز كەرەك»، – دەدى پرەزيدەنت ب ا ق وكىلدەرىنە بەرگەن سۇحباتىندا.
