استانا قالاسىنىڭ ەسىل اۋداندىق سوتىندا ەسكەندىر سۇلەيمەنوۆتىڭ ولىمىنە قاتىستى سوت وتىرىسى ءالى دە جالعاسىپ جاتىر. قورعاۋشى سوت وتىرىسىندا  ماليكا مۇحيتوۆانىڭ جول اپاتىنا كىنالى ەمەس ەكەنىن تاعى دا العا تارتتى. ادۆوكاتتىڭ ايتۋىنشا، جول اپاتىنا جوعارى جىلدامدىقپەن جۇرگەن ەسكەندىردىڭ ءوزى كىنالى. 

سونداي-اق ماليكا مۇحيتوۆا وتباسىمەن بىرگە ەسكەندىر سۇلەيمەنوۆ جەرلەنگەن بەيىتتىڭ باسىنا  بارعان.

♦ولجاس سۇلەيمەنوۆتىڭ ەكىنشى حاتى: مەنەن قاتەلىك كەتتى...

«ماليكا 5 قىركۇيەكتە ەسكەندىردىڭ قابىرىنە بارىپ، بولعان جاعداي ءۇشىن كەشىرىم سۇرادى. ماليكانىڭ اتاسى مەن ناعاشى اتاسى ەكى  رەت ولجاس سۇلەيمەنوۆپەن كەزدەسۋگە باردى. ءتىپتى نەمەرەسىنىڭ جازاسىن جەڭىلدەتۋ ءۇشىن، «جانىمىزدى ال»، - دەپ جالبارىنعان»، — دەيدى ماليكا مۇحيتوۆانىڭ قورعاۋشىسى.

ماليكا مۇحيتوۆا بولسا، ءوز كىناسىن تولىق مويىنداي وتىرىپ، ەسكەندىردىڭ وتباسىنان كەشىرىم سۇرادى.

♦ماليكانىڭ سوتتاعى سوڭعى ءسوزى: ەسكەندىردى تۇسىمدە كوردىم

«مەن تاعى دا ەسكەندىردىڭ وتباسىنان كەشىرىم سۇرايمىن. بۇل تۋرالى ايتقان سايىن مەن قاتتى قينالامىن. بارلىعىمىزعا دا اۋىر جاعداي. مەن ءوز كىنامدى تولىق مويىندايمىن جانە باس بوستاندىعىمنان ايىرماۋدى ءوتىنىپ سۇرايمىن»، — دەيدى ماليكا مۇحيتوۆا.