"2019 جىلدىڭ ءبىرىنشى قاڭتارىنان باستاپ قازاقستاندىق جۇرگىزۋشىلەرگە قاتىستى ءبىرقاتار جاڭاشىلدىق كۇشىنە ەندى. ماسەلەن كولىك قۇرالىن تىركەۋ كۋالىگىنە ميكروچيپ سالىنىپ، ەندى ونىڭ فورماسى وزگەرەتىن بولادى. سونداي-اق ەندى وزىڭىزبەن بىرگە ساقتاندىرۋ ءپوليسىن الىپ ءجۇرۋ قاجەت ەمەس» - دەپ جازادى Qamshy.kz اقپارات اگەنتتىگى  حابار 24 تەلەارناسىنا  سىلتەمە جاساي وتىرىپ. 

بيىلدان باستاپ كولىكتى تىركەۋ كۋالىگى ىقشامدالادى. ونىڭ ءپىشىنى مەن كولەمى وزگەرىپ، كولىكتىڭ تىركەۋ دەرەكتەرى تولىق جازىلاتىن ەلەكتروندى ميكروچيپ ورناتىلادى.

ءىىم اكىمشىلىك پوليسيا كوميتەتىنىڭ رەسمي وكىلى يرينا لۋكيانينانىڭ سوزىنشە، جۇرگىزۋشىنىڭ بارلىعى كولىكتى تىركەۋ كۋالىگىن اۋىستىرۋعا مىندەتتى ەمەس.جاڭا نۇسقاداعى كۋالىك كىم كولىگىن جاڭادان تىركەدى، سول ازاماتتارعا بەرىلە باستايدى. ءبىراق ءوز قالاۋىمەن تىركەۋ كۋالىگىن اۋىستىرعىسى كەلەتىندەرگە ەشقانداي شەكتەۋ جوق ەكەن.

سونىمەن قاتار 2019 جىلدان باستاپ وزىڭىزبەن بىرگە ساقتاندىرۋ ءپوليسىن الىپ ءجۇرۋدىڭ قاجەتى جوق، الايدا بۇل كولىكتى ساقتاندىرۋ قاجەت ەمەس دەگەندى بىلدىرمەيدى.

كولىگىڭىزدىڭ ساقتاندىرىلعان نەمەسە ساقتاندىرىلماعانىن پوليسەيلەر ءبىرىڭعاي ەلەكتروندى بازا ارقىلى تەكسەرە الادى. سول ءۇشىن ەلىمىزدەگى ءتارتىپ ساقشىلارىنىڭ 92 پايىزى ارنايى پلانشەتپەن جابىقتالعان.

–ال ەگەر كەيبىر جەرلەردە بولماعان جاعدايدا ولار وزدەرىنىڭ قولىنداعى راسيا ارقىلى كەزەكشىگە زۆونداپ، جۇرگىزۋشىنىڭ ساقتاندىرىلعانىن، ساقتاندىرىلماعانىن تەكسەرە الادى، – دەيدى ق ر ءىىم اكىمشىلىك پوليسيا كوميتەتىنىڭ ءبولىم باستىعى نۇرسەيىت ابىشيەۆ.