بەلسەندى تالعات ايان Facebook-تەگى پاراقشاسىندا تۇرمەدە وتىرعان ماكس بوقايەۆتىڭ سالەمىن جاريالادى. 

"جاقىندا تۇرمەدەن بوساپ شىققان بiر جiگiت حابارلاستى، ماكسپەن بiر جاساقتا بولىپتى، سالەمiن جەتكiزدi. جاقىن دوسىڭمەن سويلەسكەندەي بولىپ قالادى ەكەنسiڭ. قال-جاعدايى جامان ەمەس دەيدi، تەليەۆيزور كورمەيدi ەكەن، كiتاپ پەن گازەت وقيدى، راديودان جاڭالىق تىڭدايدى، باسقا سوتتالعاندارعا زاڭدىق كەڭەستەرمەن كومەكتەسەدi. وسىلاي ماكستiڭ تۇرمەدەگi ۋاقىتى ءوتىپ جاتىر. ەشبىر ادامعا زيانى تيمەگەن ماكستiڭ وتىرعانىنا ءۇش جىلعا تولۋعا جاقىن. ۇمىتپايىق، اعايىن!" - دەپ جازدى تالعات ايان. 

ەسكە سالا كەتەيىك، 2017 جىلى 25 جەلتوقساندا الاشوردانىڭ قۇرىلعانىنا  100 جىل تولۋىنا وراي Qamshy.kz اقپارات اگەنتتىگى  يگى جاقسىلاردىڭ باسىن قوسىپ، «الاش ارىستارىنىڭ 100 ءىزباسارىن» ماراپاتتاعان بولاتىن. ماراپاتتالعانداردىڭ قاتارىندا بۇگىندە تۇرمەدە جاتقان قوعام بەلسەندىسى ماكس بوقايەۆ تا بولدى. الايدا ماراپاتتاۋ كەشىنە بوقايەۆتىڭ مەدالىن الۋعا اناسى راحيلا قوجاسوۆا كەلدى. 

♦الاشتىڭ عاسىرلىق تويىندا الاش ارىستارىنىڭ ءىزباسارلارى ماراپاتتالدى (فوتو)

"قامشى" پورتالىنىڭ باستاماسىنا ريزا بولعان انا ءوز ۇلىنىڭ اۋىز تولتىرىپ ايتارلىقتاي باتىرلىق جاساماعانىن، تەك ءوزىنىڭ ازاماتتىق بورىشىن وتەگەنىن ايتقان ەدى.

"قازىرگى جاستاردىڭ ءبارى ءبىلىمدى، سانالى. تەك سول جاستاردى جەتەلەپ، باعىت-باعدار كورسەتەتىن ۇلكەن بۋىن قاجەت. كوبىنەسە ءبىز جاستاردى سىناپ جاتامىز، الايدا جاستار جامان بولسا دا، ءبىز ولاردى ءوز بالامىزداي كورۋىمىز كەرەك. مەنىڭ ۇلىم ماكس بوقايەۆ 2016 جىلى 23 ساۋىردە بەيبىت ميتينگكە شىعىپ، «جەردى ساتپايىق، جەردى شەتەلدىكتەرگە بەرمەيىك» دەگەن ءسوزى ءۇشىن 5 جىلعا سوتتالىپ، تۇرمەدە وتىر"، — دەدى راحيلا قوجاسوۆا.