استانالىق جىگىت كوپ قاباتتى تۇرعىن ءۇيدىڭ توبەسىنە شىعىپ، وز-وزىنە قول جۇمساماق بولعان ادامنىڭ ءومىرىن ساقتاپ قالدى دەپ جازادى Qamshy.kz اقپارات اگەنتتىگى. ول سۋيسيد جاساعىسى كەلگەن ازاتتى 2 ساعات بويى ويىنان اينىتۋعا تىرىستى.
اتالمىش وقيعا 15 قاڭتاردا يمانوۆ-جۇبانوۆ كوشەلەرىنىڭ قيىلىسىندا ورىن العان. جىگىت بولعان وقيعانى ۆيدەوعا تۇسىرگەن.
"باۋىرىم، سەكىرمە! كەل، سويلەسەيىك. قانداي جاعداي بولدى؟" دەدى استانالىق جىگىت. ول ادەيى ۋاقىتتى ۇتىمدى پايدالانىپ، كوبىرەك سويلەسۋگە تىرىسادى.
"سەنىڭ بالالارىڭ بار ما؟ نە بولدى؟ ساعان نە جەتپەي ءجۇر؟" — دەپ سۇراقتار قويىپ، اسىقپاي سويلەسكىسى كەلەتىنىن ايتادى.
♦وتباسىنداعى قانىشەر: بالانىڭ جاقىندارى ونى قالاي سۋيسيدكە دەيىن جەتكىزەدى؟
ال سۋيسيد جاساماق بولعان ازات ەكى ويلى كۇيگە تۇسەدى. الايدا "ماعان جاقىنداساڭ سەكىرەمىن" دەپ قورقىتادى. ال استانالىق جىگىت بولسا 2 ساعات سويلەسىپ، ىڭعايلى ءساتتى پايدالانىپ ونى شاتىردان تۇسىرەدى. كەيىن پوليسيا قىزمەتكەرلەرى ازاتتى بولىمشەگە الىپ كەتتى.
"مەن بۇل جىگىتپەن 2 ساعات سويلەسىپ، ويىنان اينىتۋعا تىرىستىم. ءقازىر پوليسيا قىزمەتكەرلەرى ونى الىپ كەتتى. مەن بۇگىنگىنىڭ باتىرى اتاندىم"، — دەپ كۇلدى استانالىق جىگىت.
پىكىر قالدىرۋ