تاتارستاننىڭ ۆيسە-پرەمەرى ۆاسيل شايحرازييەۆ حالىقپەن كەزدەسۋدە ەلدە تۇراتىن حالىقتىڭ بارلىعىن دا «تاتارلار» دەپ اتادى.

2014 جىلدىڭ 1 قازانىنان بەرى تاتارستاندا پرەمەر-مينيستردىڭ ورىنباسارى لاۋازىمىندا كەلە جاتقان ول وسى اپتانىڭ باسىندا باتىل مالىمدەمە جاسادى. ارينە، رەسەيدىڭ قۇرامىندا تۇرىپ وسىلاي دەۋ جۇرەگى مىقتى ۇلتجاندى ازاماتتىڭ عانا قولىنان كەلەدى.

–ءبىز جارىق لۇنيەگە كەلگەن سوڭ، تۇبىندە ومىردەن كەتەتىنىمىز دە اقيقات. ال جەر مەن ەل كەلەر ۇرپاققا مۇرا بولىپ قالادى. ءتىل دە سولاي. سوندىقتان دا ەڭ الدىمەن  تاتاردىڭ جاس ۇرپاعىن دۇرىس تاربيەلەۋىمىز كەرەك. تاتارستاندا  قازىرگى ۋاقىتتا 173 ۇلت  تۇرادى.  ناقتى ايتقاندا، رەسپۋبليكادا 4 ميلليون ادامداي مەكەن ەتەدى. ەگەر  باسقا مەملەكەتكە بارساق، ءبىزدى چۋۆاش، ورىس نەمەسە موردۆا دەپ ايتپايدى. ولاردىڭ بارلىعى – تاتارلار بولىپ ەسەپتەلەدى.  ءبىز ءۇشىن دە سولاي. تاتارستاندا تۇردىڭ با، وندا سەن تاتارسىڭ! –دەدى  ۆيسە-پرەمەر ۆاسيل شايحرازييەۆ.

ەسكەرتە كەتەيىك، قازىرگى ۋاقىتتا تاتارستاننىڭ تەرريتورياسىندا 4 ميلليونداي ادام تۇرادى. ونىڭ ىشىندە 53 پايىزى – تاتارلار، 39 پايىزى–ورىستار، 3 پايىزدان استامى چۋۆاشتار جانە باسقا دياسپورا وكىلدەرى.

ءبىزدى تاڭقالدىرعان ءبىر جايت، رەسەيدىڭ  قۇرامىندا، قالىڭ ورمان ورىستىڭ ورتاسىندا بولا تۇرىپ، تاتاردىڭ بولاشاعى ءۇشىن وسىلاي باتىل سويلەۋ ەكىنىڭ ءبىرىنىڭ قولىنان كەلە بەرمەيدى. 173 ۇلت تۇراتىن رەسپۋبليكادا قاتارى از بولسا دا، تاتارىڭ مىقتى بولىپ تۇر عوي.

...ال ءبىزدىڭ جوعارى بيلىك قازاقتىڭ سانى ەلدە 70  پايىزدان اسسا دا، ءالى «قازاقستاندىقتار» دەپ سويلەيدى.