اۋىر قىلمىس 1995 جىلدىڭ ساۋىرىندە پاۆلودار قالاسىندا جاسالدى. قارىنداسىن جەك كورەتىن 16 جاستاعى بوزبالا ودان قۇتىلۋدىڭ جولىن ىزدەپ، اقىرى ءولتىرىپ تىنادى. ەكىنشى قارىنداسىنىڭ مۇنى جايىنا قالدىرمايتىنىن بىلگەن سوڭ ونى دا ءولتىردى. جالپى وقيعا بىلاي بولعان.

اناستاسيا سۋشكوۆا ۇلىن نان الىپ كەلۋ ءۇشىن دۇكەنگە جىبەرەدى. 8 جاستاعى قارىنداسى كاتيا دا اعاسىمەن بىرگە بارعىسى كەلەدى. نە كەرەك، 14 جاستاعى يرا دا سوڭدارىنان ەرىپ بارادى. ارادا ءبىر ساعات وتەدى، نان دا جوق، قىزدار دا جوق. الايدا 16 جاستاعى ۆيكتور اۋلادا ءجۇر ەكەن. مۇنى بايقاعان اناسى ۆيكتوردان قارىنداستارىن ىزدەۋدى سۇرايدى. جىگىت كوشەگە شىعىپ كەتەدى دە، قارىنداستارىن ەمەس، ۇيگە نان ساتىپ اكەلەدى. كەشكە جۇمىستان اكەلەرى كەلىپ، قىزدارىنىڭ جوعالىپ كەتكەنىن ەستيدى. ۇيگە كىرەر-كىرمەس ىزدەۋگە كوشەدى. ءاپالى-سىڭلىنى ىزدەۋگە پوليسيا دا، سۋشكوۆولاردىڭ كورشىلەرى دە ارالاستى. ءبىراق ناتيجەسىز...

بۇعان انا جۇرەگى شىدار ما، وز-وزىنە قول جۇمساۋعا دەيىن باردى. اقىرى مۇنى ىستەدى. قىزدارىنىڭ جوعالعانىنا بىرنەشە كۇن وتكەن سوڭ ناستيا بالشىعا بارادى. بارادى، ءبىراق قايتپايدى... ايەلى ۇزاق ۋاقىت بوگەلگەندىكتەن كۇيەۋى ىزدەۋگە شىعادى. كوپ قادام اتتاپ باسپاي-اق ەر ادام ءۇي اۋلاسىنداعى اتكەنشەككە اسىلىپ تۇرعان ايەلىنىڭ دەنەسىن بايقادى. قۇتقارماق بولدى، ءبىراق ءبارى كەش. سۋشكوۆولار وتباسىنان تەك اكە مەن بالا قالدى.

 ارادا 3 جىلعا جۋىق ۋاقىت وتكەن سوڭ اندرەي پەتر ۇلى قايتا ۇيلەندى.

جازدىڭ ءبىر كۇنىندە اندرەيدىڭ ەكىنشى ايەلى مونشانى قىزدىرماق بولىپ، كۇيەۋىنەن اعاش تەرەزەلەر مەن ورىندىقتاردى شىعارۋدى وتىنەدى. مونشانى تازالاپ ءجۇرىپ اندرەي ەدەندەردى دە كەپتىرىپ الۋدى ءجون كورەدى. بۇرىن سوڭدى مۇنى ءجيى ىستەيتىن، الايدا ءبىر جىل بۇرىن ۇلى نەگە ەكەنى بەلگىسىز ەدەنگە پلينتۋس شەگەلەپ تاستاعان. اكەسى ۇلىنا اشۋلانىپ ءجۇرىپ، ەدەندى اقىرى اشادى. اشادى دا ءبىر سۇمدىقتى كوزى شالادى. ەدەن استىنداعى سۋدىڭ بەتىندە ۇلكەن قىزى يرانىڭ قىزىل شالبارى جاتىر ەكەن. جۇرەگى داۋالاعان اكە بىردەن پوليسيا شاقىرادى.

جەدەل تەرگەۋ توبىنىڭ قىزمەتكەلەرى كەلىپ، ەدەن استىنداعى سۋدىڭ تۇبىنەن ادامنىڭ دەنەسىن الىپ شىعادى. اندرەي ۇلكەن قىزى يرانى بىردەن تانىدى. پوليسيا قىزمەتكەرلەرى سۋ استىنان اندرەيدىڭ ەكىنشى قىزىنىڭ دا دەنەسىن الىپ شىقتى. بۇل وقيعادان سوڭ پوليسەيلەر دەرەۋ ۆيكتوردى ۇستاپ، بولىمشەگە الىپ كەتەدى. ەر جەتكەن ازامات ءوز قىلمىسىن بىردەن مويىندادى، الايدا ىسىنە مۇلدەم وكىنبەپتى. وسىلايشا اندرەي وتباسىنان تۇگەل ايىرىلادى.

قىلمىس قالاي بولدى؟

ءساۋىردىڭ سول قارالى كەشىندە ۆيكتور نانعا بارماق بولىپ، وزىمەن اس ۇيدەن پىشاق الىپ شىعادى. اعاسىمەن بىرگە بارۋدى قالاعان قارىنداسىن مونشاعا قاراي سۇيرەيدى. ەسىكتى جابادى دا قارىنداسىن بىرنەشە رەت پىشاقتايدى. ارتىنان ەرگەن ەكىنشى قارىنداسى دا اعاسىنىڭ مونشاعا بەتتەگەنىن كورىپ، ارتىنان جۇرەدى. ۆيكتور ءوزىنىڭ قىلمىسىن يرادان جاسىرۋ ءۇشىن ونى دا پىشاقتاپ ولتىرەدى. ءسويتىپ قارىنداستارىنىڭ دەنەسىن ەدەننىڭ استىنداعى سۋعا تولى شۇڭقىرعا تىعادى. ال پىشاقتى جۋىپ-شايىپ، ورنىنا اپارىپ قويادى. ءارى قاراي ۆيكتور تۇك بولماعانداي تىرشىلىگىن جالعاستىرعان. ال مۇنىڭ سەبەبىن سۇراعاندا، كىشكەنتاي قارىنداسىنىڭ كەسىرىنەن دوستارىمەن ەشقايدا شىعا المايتىنىنا، كاتياعا قاراپ  ۇيدە قالىپ قالاتىنىنا اشۋلانعان ەكەن.

سوت ونى بىرنەشە جىلعا باس بوستاندىعىنان ايىردى، ال ءقازىر ۆيكتور بوستاندىقتا. ءبىر قىزىعى جىگىتتىڭ پسيحيكاسى قالىپتى، ەسىرتكى پايدالانباعان، ىشىمدىك ىشپەگەن، الايدا جاۋىزدىقپەن ادام ولتىرگەن.

P.S. كەيىپكەرلەردىڭ ەسىمى وزگەرتىلگەن

ۆاسيليي گولىشكين، sputnik.kz