اقپارات جانە كوممۋنيكاسيالار ءمينيسترى داۋرەن ابايەۆ "جىنىمدى كەلتىرمەڭىزشى" دەپ اشۋلانعان ۇلتتىق ەكونوميكا ۆيسە-مينيسترى سەرىك ءجۇمانعاريننىڭ ارەكەتىنە قاتىستى پىكىرىن ءبىلدىردى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.
"ەش ۋاقىتتا ەشكىم ەشكىمگە اشۋلانباۋى كەرەك. سۇراق قويىلدى ما، جاۋاپ بەرۋ كەرەك"، - دەپ قىسقا قايىردى ابايەۆ ۇكىمەت دالىزىندە.
ەسكە سالا كەتسەك، جۋىردا ۇلتتىق ەكونوميكا ءمينيسترىنىڭ ورىنباسارى سەرىك ءجۇمانعاريننىڭ ءجۋرناليستىڭ تاريفكە قاتىستى قويعان ساۋالىنا بەرگەن جاۋابى جەلىنى شۋلاتتى.
ۆيسە-مينيستردەن تاريف تۋرالى سۇراعان تەلەارنا ءتىلشىسى "بۇل باسقا شارا، جىنىمدى كەلتىرمەڭىزشى" دەگەن جاۋاپ الدى.
شەنەۋنىكتىڭ دورەكى جاۋابى جەلىدە قىزۋ تالقىعا ءتۇستى. وسىدان كەيىن كوپ ۇزاماي جۇمانعارين ارتىق كەتكەنىن ءتۇسىندى مە، ورەسكەل جاۋاپ بەرگەنى ءۇشىن جۋرناليستەردەن كەشىرىم سۇرادى.
ۇسىنعان: نازەركە لابيحان
