الماتى قالاسىندا كومەككە مۇقتاج كوپ بالالى وتباسىلاردىڭ پاتەر الۋىنا مۇمكىندىك جاسايتىن تۇرعىن ءۇي باعدارلاماسىن ىسكە قوسپاق دەپ حابارلايدى Qamshy.kz اقپارات اگەنتتىگى.

بايبەكتىڭ ايتۋىنشا، سوڭعى ەكى اپتادا اكىم 600 انامەن كەزدەسكەن.

«جۇزدەگەن سۇراقتار ساراپتالدى، ولاردىڭ ەڭ وزەكتىسى – تۇرعىن ءۇي، كوممۋنالدىق قىزمەت، جاردەماقى ماسەلەسى جانە وقۋ مەن جۇمىسقا ورنالاسۋ. انالاردىڭ بارلىق ۇسىنىسى ۇكىمەتكە جىبەرىلدى.

الايدا اكىمشىلىك تە قۇر قاراپ وتىرمايدى. الماتىدا «باقىتتى وتباسى» اتتى الەۋمەتتىك تۇرعىن ءۇي باعدارلاماسى ىسكە قوسىلادى.  ءار كوپ بالالى وتباسى ءۇشىن قالا اكىمشىلىگى 1 ملن تەڭگەلىك تۇرعىن ءۇي سەرتيفيكاتىن ۇيلەستىرەدى.

العاشقى جارنا پاتەر باعاسىنىڭ 10 پايىزىن قۇرايدى. 2 پايىز ۇستەمەمەن 18 جىلعا الادى. سوڭعى ەكى جىلدا ءبىز «الماتى جاستارى» باعدارلاماسىن ءساتتى ىسكە اسىردىق. 10 ملن تەڭگەگە دەيىنگى 238 پاتەردى راسىمدەلدى. ياعني، بۇل ماسەلەدە تاجىريبەمىز مول»، - دەدى باۋىرجان بايبەك.

نەسيە قۇنى 15 ميلليون تەڭگەدەن اسپايتىن جاڭادان سالىنعان ۇيلەر ءۇشىن بەرىلەدى.

بيىلعى جىلى الاتاۋ جانە ناۋرىزباي اۋداندارىنان 500 پاتەر وتكىزۋ جوسپارلانىپ وتىر. ال الداعى 5 جىلدا 23 مىڭعا جۋىق پاتەر سالىنادى.

بايبەكتىڭ ايتۋىنشا، سوڭعى 3 جىلدا 10 مىڭعا جۋىق الماتىلىق وتباسىنا جاڭا پاتەردىڭ كىلتى تابىستالدى. ولاردىڭ ىشىندەگى 1356 پاتەر قالالىق تۇرعىن ءۇي قورىنان ءبولىندى، 8 مىڭى جەڭىلدەتىلگەن يپوتەكامەن بەرىلدى. 40 پايىزعا جۋىعى الەۋمەتتىك جاعدايى تومەن جاندارعا بەرىلدى: 2375 پاتەر كوپ بالالى وتباسىلارعا، 564 پاتەر مۇمكىندىگى شەكتەۋلى جاندارعا، 345ء-ى جەتىم بالالارعا جانە 165 پاتەر زەينەتكەرلەر مەن ارداگەرلەرگە بەرىلدى.