شىمكەنت قالاسى ەڭبەكشى اۋداندىق سوتى "وگەي بالاسىن ۇرىپ ءولتىردى" دەگەن ايىپ تاعىلعان ەربولات جولداسوۆتى كىنالى دەپ تاۋىپ، 8 جىل باس بوستاندىعىنان ايىرۋدى ۇكىم ەتتى دەپ جازادى Qamshy.kz اقپارات اگەنتتىگى  ازاتتىقتىڭ دەرەگىن نەگىزگە الىپ. 

"1996 جىلى تۋعان ەربولات جولداسوۆ قىلمىستىق كودەكستىڭ 106-بابىمەن ايىپتى دەپ تانىلىپ، وعان 8 جىل باس بوستاندىعىنان ايىرۋ جازاسى تاعايىندالدى. سوتتالۋشى تاعىلعان ايىپتى تولىق مويىنداپ، جاساعان قىلمىسىنا وكىنەتىنىن ايتقان" دەدى سوتتىڭ باسپا ءسوز حاتشىسى قابىل دۇيسەنبي.

♦شىمكەنتتە "ازاندى دۇرىس شاقىرمادىڭ"، - دەپ 5 جاستاعى بالانى ۇرىپ ولتىرگەن (فوتو)

سوتتىڭ حابارلاۋىنشا، جولداسوۆ بىلتىر 5 جەلتوقساندا قاراباستاۋ اۋىلىنداعى جەكە ۇيىندە 5 جاسار وگەي ۇلىن "قۇپتان نامازىن" دۇرىس وقىماعانى ءۇشىن ۇرىپ، دەنساۋلىعىنا ابايسىزدا اۋىر زيان كەلتىرگەن. العان دەنە جاراقاتىنان بالا 6 جەلتوقساندا اۋرۋxانادا قايتىس بولعان.

سوتتالۋشى جازانى قاۋىپسىزدىگى ورتاشا مەكەمەدە وتەيدى.

ۇسىنعان: اسەل بولات قىزى