1997 جىلى ەكرانعا شىققان «تيتانيك» ءفيلمى 11 «وسكار» الىپ (بۇل رەكوردتى تەك 2 فيلم عانا قايتالاي الدى، باسقا ەشبىر فيلم بۇدان اسىپ تۇسە المادى)، كينەماتوگرافيا تاريحىندا 12 جىل بويى ەڭ كوپ كاسسا جيناعان فيلم اتاعىنان تۇسپەي تۇردى. تەك ءدال سول رەجيسسەردىڭ «اۆاتار» اتتى كەزەكتى ءفيلمى عانا «تيتانيك» ءفيلمىن اتالمىش تاقتان ءبىر ساتى تومەندەتتى. جانە ءدال سول رەجيسسەر بىرەۋ جاقسى كورگەن، ەندى ءبىرى جەك كورگەن جۇزىنەن مەيىرىم توگىلىپ تۇراتىن جاپ-جاس لەوناردو دي كاپريونى كۇللى الەمگە تانىتتى. ءبىراق بۇگىندە ءبارى ونى بايسالدى اكتەر رەتىندە مويىندادى. ەگەر «تيتانيك» ءفيلمى قالاي تۇسىرىلگەنى قىزىق بولسا، تومەندەگى سۋرەتتەردى كورىڭىز.

تەك وسى سۋرەتتەردەن كەيىن «تيتانيكتى» سان مارتە قايتالاپ كورگەنىم بەكەر بولىپتى دەپ وكىنىپ جۇرمەڭىز. ەندەشە، Qamshy.kz اقپارات اگەنتتىگى وقىرماندارىنا "تيتانيك" ءفيلمىنىڭ ءتۇسىرىلىم الاڭىنداعى كادردان تىس سۋرەتتەرىن ۇسىنادى.

الىپ كەمە... دەپ ويلادىق ءبارىمىز، ءا؟

«تيتانيك" ەشقانداي دا كومپيۋتەرلىك گرافيكاسىز تۇسىرىلگەن. شىنايى كەمەلەردىڭ ۇلگىلەرىن "باتىرۋعا" تۋرا كەلگەن. تەك ءبارى ءبىز ويلاعانداي كولەمدى ەمەس ەدى. كەيبىر كورىنىستەردە ءتىپتى كىشكەنتاي كەمەلەردى ءتۇسىردى. كەمەنىڭ كولەمىن جوعارىداعى سۋرەتتەگى ادامدارمەن سالىستىرساڭىزدار بولادى. 

كاسكادەرلەردىڭ كۇردەلى جۇمىسى 

فيلمدەگى ەڭ قيىن كورىنىستەردىڭ ءبىرى - ءبولىنىپ قالعان كەمە بولىگىنىڭ تىك كوتەرىلۋى ەدى. مۇنداي كورىنىستى تەك ارنايى پاۆيلوندا بۇكىل كونسترۋكسيانى ارنايى جۇكاربانىڭ كومەگىمەن كوتەرىپ ءتۇسىرۋ عانا مۇمكىن بولدى. 

كەيبىر جەرلەردە ادام ورنىنا قۋىرشاقتار پايدالانىلدى. ءبىراق مۇنداي قالىپتا ءىلىنىپ تۇرعان ادامسىز كينونىڭ ءسانى دە كىرمەس ەدى. سوندىقتان، مۇنداي كورىنىستەردە كاسكادەرلەردىڭ ەڭبەگى وراسان زور. فيلم تۇسىرۋشىلەر ءتۇسىرىلىم كەزىندە كەم دەگەندە ءۇش ادامنىڭ تومەنگە قۇلاپ، سۇيەكتەرى سىنعانىن كەيىنىرەك مويىندادى. 

ءالى بيلەگەن جوقپىز، ءبىراق سوندا دا شارشاپ وتىرمىز...

ءتۇسىرىلىم اكتەرلەردى ابدەن شارشاتتى. سوندىقتان، دۋبل اراسىندا تىنىعىپ الۋعا قارسى ەمەس ەدى. ءتىپتى دەكوراسيالىق جەدەلساتىنىڭ ىشىندە بولسا دا... 

 

 

ەسەسىنە، بيلەيتىن كەز كەلگەندە، ءتىپتى رەجيسسەردىڭ ءوزى دە بيلەپ كەتتى...

كەمەرون كادرعا ءجيى ءتۇسىپ قالا بەرەتىن. سەبەبى، ءتۇسىرىلىمدى بۇگە-شىگەسىنە دەيىن ءوز باقىلاۋىندا ۇستاۋعا تىرىستى. مىنا كورىنىستە رەجيسسەر دايىندىق جاساپ، بيلەپ جۇرگەن اكتەرلەردە دە كوڭىلدى سياقتى. 

 

 

دراما دەپ وسىنى ايت! / كۇننىڭ سۋىقتىعى سونشا، ءتىپتى وز-وزىڭە ۇقساماي كەتەسىڭ.

فيلمدە ءبىرىنشى سۋرەت درامالى بولىپ كورىنەدى. دجەك روۋزدى پالۋباعا ارەڭ تارتىپ شىعارىپ جاتىر. ەندى ءسال بولماعاندا روۋز تىم بيىكتەن تومەن قاراي قۇلايتىن ەدى. الايدا، ءتۇسىرىلىم كەزىندە ءبارى سونشالىقتى قوقىنىشتى كورىنبەيدى. قۇلاسا دا ونشا بيىك ەمەس. ال تومەندە وقىس جاعداي بولا قالسا، كەيتتى قاعىپ الۋعا دايىن كومەكشى جاسىرىنىپ وتىر.

ال ەكىنشى سۋرەتتە ءفيلمنىڭ ەڭ ەستە قالارلىق  ساتتەرىنىڭ ءبىرىن تۇسىرۋگە دايىندىق بارىسى كەرەمەت بولىپ جاتىر. بىرىنشىدەن، شىنايى سياقتى كورىنەتىن كەمەنىڭ ءبىر تۇمسىعى دايىن. ەكىنشىدەن، كەرەمەت اۋا-رايى. اۋا-رايىنىڭ كەرەمەتتىگە سونشا، توڭىپ قالماس ءۇشىن اكتريسا دا ۇستىنە تون كيىپ العان. ۇشىنشىدەن، ول نەگىزى كەيت ۋينسلەت ەمەس، ونىڭ دۋبلەرى. وزگە ادامدارمەن دايىندىق جاساۋ سەبەبى، جارىقتى قالاي تۇسىرگەنى دۇرىس ەكەنىن الدىن-الا انىقتاپ، دايىنداپ الۋ.  

زيالى قاۋىم با؟ جوق، ەستىمەدىڭىزدەر مە؟ 

كەيت ۋينسلەت فيلمدەگى كەيىپكەرىندەي تەنتەك ەدى. وزگەلەردىڭ ءبارى ءتۇسىرىلىم كەزىندەگى سالماقتى كورىنىسكە دايىندالىپ، رولگە كىرىپ، وزدەرىن بايىپتى ۇستاپ تۇرسا، كەيت ەركەلەپ، كوڭىل كوتەرىپ تۇر.

سوڭعى "وسيەت"

كەيىپكەرلەردىڭ تۇرىسىن ميليممەترىنە دەيىن ەسەپتەپ، باقىلاپ، ءبارىن كەمەرون جەكە ءوزى رەتتەستىرىپ جاتىر. 

سىردىڭ سۋى سيراعىنان كەلمەيدى