پرەزيدەنتتەردىڭ جەكە ءومىرى كىم-كىمدى بولسا دا قىزىقتىرارى انىق. قايدا تۇرادى، قايدان كيىنەدى، قانداي سپورتپەن شۇعىلدانادى؟ ال بۇل جولى پرەزيدەنتتەردىڭ قالاي تاماقتاناتىنى تۋرالى ايتايىق... ءسىز دە ولاردى تەك قارا ۋىلدىرىق جەيدى دەپ ويلايسىز با؟
ماسەلەن، دونالد ترامپ بۋرگەر مەن كارتوپتان جاسالعان ءفريدى جەي بەرەدى. ال سۇيىكتى تاعامى – بەكونمەن قۋىرىلعان جۇمىرتقا.
كحدر باسشىسى كيم چەن ىن شۆەيساريانىڭ ۇلتتىق ەممەنتال اتتى ىرىمشىگىن ءسۇيىپ جەيدى ەكەن. الايدا مايلى بولعاندىقتان سالماق قوسپاس ءۇشىن از-ازدان جەۋىنە تۋرا كەلەدى.
سونىمەن قاتار اكۋلادان جاسالعان سورپانى دا جاقسى كورەدى ەكەن.
گەرمانيا كانسلەرى انگەلا مەركەل تاماقتاردى ءوز قولىمەن ازىرلەگەندى جاقسى كورەدى. مەركەلدىڭ ەڭ سۇيىكتى تاعامى – كارتوپتان ءارى فريكادەلكادان جاسالعان سورپا.
روجدەستۆو كۇنى مىندەتتى تۇردە پەشتە ۇيرەك جاسايدى.
ەليزاۆەتا پاتشايىم تەڭىز ونىمدەرىن ءسۇيىپ جەيدى. پاتشايىمنىڭ تاڭى قارا شايدان باستالادى، قانت تا قوسپايدى. سونىمەن قاتار جەمىس-جيدەكتەن جاسالعان قاۋىز بەن جۇمىرتقا جەيدى.
ال تۇسكى اسقا بالىق نەمەسە تاۋىق جەيدى. اندا-ساندا سەندۆيچ پەن شايدى دا ءجون كورەدى. كەشكى اسقا سيىر ەتى، قىرعاۋىل ەتى نەمەسە بالىق جەيدى.
بۇعان قوسا پاتشايىم ءتاتتىنى دە ەرەكشە جاقسى كورەدى.
فرانسيا ليدەرى ەممانۋەل ماكروننىڭ سۇيىكتى تاعامى – كوردون بليۋ. ول – بۇزاۋ ەتى، ىرىمشىك جانە ۆەچينا قوسىلعان شنيسەل.
ماكروننىڭ تاعامىنا ايەلى اسا ءمان بەرەدى. ول ۇستەلگە ءتۇرلى شۇجىقتار مەن كونسەرۆىلەنگەن ونىمدەردى قويۋعا تىيىم سالعان.
كانادانىڭ پرەمەر-مينيسترى دجاستين تريۋدو سىرا ءىشىپ، گامبۋرگەر جەگەندى جاقسى كورەدى. كوفە ىشكەندى جاقتىرمايدى ەكەن.
ستۋدەنتتىك شاعىندا كوفەنى كوپ ىشكەنى سونشالىق تۇنىمەن ۇيىقتاي الماي شىققان، سودان بەرى باس تارتىپتى.
رەسەي پرەزيدەنتى ۆلاديمير ءپۋتيننىڭ اس ءمازىرى قاراپايىم. بالىق جەگەندى ءجون كورەدى، الايدا قوي ەتىنەن دە باس تارتپايدى. بالمۇزداقتى ءسۇيىپ جەيدى. ءار ەلگە بارعان سايىن ۇلتتىق تاعامدارىنان مىندەتتى تۇردە ءدام تاتىپ كەتەدى. ال سۋسىنداردان كوك شايدى جاقسى كورەدى.
بەلارۋس باسشىسى الەكساندر لۋكاشەنكونىڭ سۇيىكتى اسى – ەنەسى دايىندايتىن درانكيتەر ەكەن. بۇعان قوسا قارا نان، بالىق، جەمىس-جيدەك پەن ءتاتتى سۋسىنداردى جاقسى كورەدى. بالمۇزداقتان دا باس تارتپايدى.
مولدوۆا پرەزيدەنتى يگور دودون ءوز ەلىنىڭ ۇلتتىق تاعامدارىن ءسۇيىپ جەيدى. ەڭ قاتتى جاقسى كورەتىن اسى – مولداۆان سورپاسى.
تاعى ءبىر سۇيىكتى اسى – ايەلى ءجيى دايىندايتىن شوشقانىڭ موينىنا ازىرلەنەتىن فريپتۋرە. بۇل تاعام مولداۆانىڭ داستارحاندارىنىڭ ءسانى.
ۋكراينا باسشىسى پەتر پوروشەنكونىڭ سۇيىكتى تاعامى – قاراقۇمىقتان جاسالعان بوتقا مەن كوتلەت. ءبىر سۇحباتىندا پرەزيدەنت ايەلى مارينا جاساعان بارلىق تاعامدى ءسۇيىپ جەيتىنىن ايتقان.
ال ەلباسى نۇرسۇلتان نازاربايەۆ بوتقا جەگەندى جاقسى كورەدى ەكەن. اسىرەسە س ۇلى جارماسى مەن گەركۋلەستەن جاسالعان بوتقانى ءجيى جەيدى. تۇسكى اسقا قاراپايىم سورپا ىشەدى، الايدا نۇرسۇلتان نازاربايەۆتىڭ سۇيىكتى اسى – كەسپە.
كەشكى اسقا جەڭىل تاعامداردى جەگەندى ءجون كورەدى. اسىرەسە بالىق جەگەندى جاقسى كورەدى.
تاجىك باسشىسى ەمومالي راحمون قاراپايىم تاماقتانعاندى جاقسى كورەدى. سۇيىكتى تاعامى – پالاۋ. سۋسىنداردان كوك شايدا جاقسى كورەدى. ەشقانداي ەرەكشەلىگى جوق.
