1960 جىلدىڭ 1 اقپانىندا افروامەريكالىق ءتورت ستۋدەنت گرينسبورو قالاسىنداعى ۆۋلۆورت (Woolworth’s)  اتتى شاعىن ءدامحانانىڭ ۇستەلدەرىنىڭ بىرىنە جايعاسادى دا، كوفەگە تاپسىرىس بەرەدى.

الايدا، داياشى قارا ءناسىلدى جىگىتتەردىڭ تاپسىرىسىن قابىلداۋدان باس تارتىپ، ءدامحانانى بوساتۋلارىن سۇرايدى. ءتورت قارا ءناسىلدى ستۋدەنت اتالمىش ءدامحانا جابىلعانشا ورىندارىنان تاپجىلمايدى. ولاردى قۋىپ شىعۋعا ەشكىمنىڭ حاقى جوق ەدى.

كەلەسى كۇنى ءدامحانانىڭ ۇستەلىندە تۇنجىراعان 12، ءۇشىنشى كۇنى 60 قارا ءناسىلدى وتىردى. ال ءتورتىنشى كۇنى ولاردىڭ سانى 400-گە جەتتى. ءدامحانانى تۇگەلدەي افروامەريكالىق قارا ناسىلدىلەر «جاۋلاپ الدى»، ءتىپتى سىيماعاندارى سىرتتا تۇردى. بۇل جاعدايعا الاڭداعان ۆۋلۆورت باسشىسى دابىل قاقتى! ەندى ءبىراز شىداسا، ءدامحانانى جابۋدان باسقا امال قالماس ەدى.

وسى جايتتان كەيىن بۇكىل ەلدەگى افروامەريكالىقتار قارسىلىق بىلدىرە باستادى. ءسويتىپ، اقش عيماراتتارىندا ناسىلدىك ەرەجەلەردىڭ كۇشى جويىلا باستادى.

اقىرىندا، ءتورت جىلدان كەيىن، ياعني، 1964 جىلى ناسىلدىك بولەكتەۋدىڭ كوزىن جويعان اتاقتى «ازاماتتىق قۇقىق تۋرالى زاڭ» (Civil Rights Act) جاسالدى. بۇل - تۇسىنە، جىنىسىنا نەمەسە ۇلتىنا قاراپ كەمسىتۋگە تىيىم سالعان اقش-تىڭ ازاماتتىق قۇقىق پەن ەڭبەك زاڭناماسى بولىپ تابىلادى.  

سۋرەتتە ءدال سول «گرينسبورودا تاپجىلماي وتىرعاندار».

الەمدى ءتورت-اق ادام دا وزگەرتە الادى.

دەرەككوز: bigideas.ru

ۇسىنعان: ماقپال سەمباي