قازاق حالقى داۋدى دا سوزبەن شەشكەن دانا حالىق بولعاندىقتان، حالقىمىزدىڭ اۋىز ادەبيەتىندە ءار تاقىرىپقا ساي ماقال-ماتەلدەر وتە كوپ!
Qamshy.kz اقپارات اگەنتتىگى ەر جىگىتتەرگە قاتىستى ماقال-ماتەلدەردىڭ ءبىرشاماسىن وقىرماندار نازارىنا ۇسىنادى.
ادام بولار جىگىتتىڭ جارى وزىنە لايىق.
كەرۋەن باستار جىگىتتىڭ نارى وزىنە لايىق.
***
جاس جىگىتتىڭ جاراسى جول – جونەكەي جازىلار.
***
جارلى بولاتىن جىگىتكە قازالى مال تاپ بولار.
جالعىز بولاتىن جىگىتكە بەدەۋ قاتىن تاپ بولار.
***
جىگىتتى توقتىق قوسادى،
توقتىق قوسپاسا، جوقتىق قوسادى.
***
جىگىت جيعانىن جەمەيدى، بۇيىرعانىن جەيدى.
***
جىگىتتەر، ەسەپپەن باييمىن دەمە،
ەسەبىڭدى ەسەپ بۇزسا، قيىن – دى.
***
ەر جىگىتتىڭ ولگەنى – ەسسىز بولسا العانى.
ءادىل ءبيدىڭ ولگەنى – ءسوزىنىڭ بولسا جالعانى.
***
كەمەل جىگىت كەشىرىمدى.
***
اتتىڭ ازباسى – بەستىسى،
جىگىتتىڭ ازباسى – ەستىسى.
***
كەرەنەۋ جىگىتكە كەساپات جولداس كەز بولار.
***
توبىلعىنى قاتتى دەپ،
قامشىعا ساپ قىلادى.
كورەگەن جىگىتتى اككى دەپ،
قوسىنعا باس قىلادى.
***
اقىلدى جىگىت اتقا دا مىنەر، تاققا دا مىنەر.
***
العانى جاقسى جىگىت ءارقاشان ءىسىن وڭدايدى.
العانى جامان جىگىت ءارقاشان ءتىسىن قايرادى.
***
جاقسى ايەل – جىگىتكە بىتكەن ب ا ق،
جاقسى جەر، جايلى قونىس – التىن تاق.
***
جاقسى جىگىت اياعىننىڭ باسىن قوسادى،
جامان جىگىت جاقسى اعانىڭ جولىن توسادى.
***
تىرتاقاي جىگىتكە جىرتاقاي ايەل كەز بولار.
***
جارلى بولاتىن جىگىت بايتالىن اتقا ساتادى،
جالعىز بولاتىن جىگىت اعايىنىن جاتقا سالادى.
***
باي بولايىن دەگەن جىگىت ايىرباسشىل كەلەدى.
ادام بولايىن دەگەن جىگىت قارىنداسشىل كەلەدى.
***
جالعىز جىگىتتىڭ شىعار-شىقپاس جانى بار.
ەكى اعايىندىنىڭ موينىنا ىلگەن تالى بار.
ءۇش اعايىندىنىڭ وتاردا باققان مالى بار.
ءتورت اعايىندىنىڭ اسپانعا سالعان جولى بار.
***
جامان قاتىن، شابان ات، وتپەس پىشاق -
ەر جىگىتتى بەرەدى اجالعا ۇستاپ.
***
مىرجىق جىگىتكە ىرجىق قىز ءوز ءلايلىسى بولادى.
***
قىرسىققان قىز باي تاپپاس،
قىرسىز جىگىت مال تاپپاس.
***
بايى ولگەن قاتىن كەلىنشەك بولادى،
كەدەي بولاتىن جىگىت ەرىنشەك بولادى.
جيناقتاپ، ۇسىنعان: ماقپال سەمباي
