بالالىق شاعى
الەمدى اۋزىنا قاراتقان قارا ءناسىلدى تەلەجۇرگىزۋشى، پروديۋسەر، اكتريسا وپرا ۋينفري تالاي جاننىڭ كۋميرى دەسەك تە بولادى. 1954 جىلى 29 قاڭتاردا دۇنيەگە كەلگەن اتاقتى وپرا بار عۇمىرىن تەليەۆيزيا سالاسىنا ارناعان.
ونىڭ بالالىق شاعى قيىندىققا تولى بولدى. العاشقى قويىلعان اتى ورپا بولاتىن. تۋما-تۋىستارى جانە دوستارى بۇل ەسىمدى دۇرىس ايتا الماعاندىقتان، وپرا دەپ اتاپ كەتكەن.
اناسى ۆەرنيتا لي ءۇي قىزمەتكەرى، اكەسى ۆەرنون ۋينفري اۋەلى اسكەري قىزمەتكەر، كەيىن شاشتاراز قىزمەتىن اتقارعان. ونىڭ اتا-اناسى زاڭدى نەكەدە بولماعان. 6 جاسىنا دەيىن وپرا اجەسىنىڭ قولىندا ءوسىپ، 2.5 جاسىندا حات تاني باستايدى. اجەسى ءدىني قىزمەتكەر بولعاندىقتان، وپرا بيبليانى جاتتاپ وسەدى. قاتال تاربيەمەن وسكەن كىشكەنتاي قىز العىر بولعاندىقتان مەكتەپ تابالدىرىعىن ءۇشىنشى سىنىپتان باستايدى. 6 جاسقا كەلگەندە اناسىمەن بىرگە ۆيسكونسون شتاتىنا كەلەدى. بۇل جاقتا ول «كىشكەنتاي وراتور» دەگەن اتاققا يە بولادى. تەلەجۇرگىزۋشى 8 جاسىندا اكەسىنىڭ شاقىرتۋىمەن نەشۆيل قالاسىنا بارادى.
9 جاسىندا وپرانى 19 جاسار نەمەرە اعاسى زورلاپ كەتەدى. قىزدىڭ جاق اشپاۋى ءۇشىن وعان بالمۇزداق ساتىپ اپەرەدى. الايدا، وعان جان-جاقتان ءتۇرلى قورلىق كورسەتىلە باستايدى. 14 جاسىندا اياعى اۋىرلاپ بالا بوسانادى. ءبىراق بالا تۋىلا سالىپ شەتىنەپ كەتەدى.
مانساپ جولى
1971 جىلى وپرا بايقاۋعا قاتىسىپ، ب ا ق سىنايدى. سول كەزدە CBS ارناسى وعان ۇسىنىس تاستايدى. العاش كەشكى جاڭالىقتاردا كوممەنتاتوردىڭ كومەكشىسى بولىپ قىزمەت ەتەدى. 1976 جىلى WJZ-TV ارناسىنا قىزمەتكە ورنالاسىپ، 6 ساعاتتىق جاڭالىقتار جۇرگىزۋشىسى مەن تاڭعى توك-شوۋدىڭ تىزىگىنىن ۇستايدى. 1985 جىلى كينوعا ءتۇسىپ، ءوزىنىڭ اكتريسالىق مانسابىن باستايدى. العاش تۇسكەن ءفيلمى «سۆەت پۋرپۋپا» (The color Purple) دەپ اتالادى. بۇل جولى دا ۇلكەن جەتىستىكتەرگە قول جەتكىزەدى. «زولوتوي گلوبۋس» جانە «وسكاردىڭ» ەڭ ۇزدىك قوسالقى ايەل ءرولى ءۇشىن سىيلىعىمەن ماراپاتتالادى..
1986 جىلى اتاقتى باعدارلاماسى «شوۋ وپرا ۋينفري» اشىلادى. وسى كەزدە تەلەجۇرگىزۋشىنىڭ اتاعى الەمگە جايىلا باستادى. «King World Productions»
تەلەكومپانياسىمەن بىرلەسە وتىرا جۇمىس ىستەپ، وپرا ەڭ قىمبات تەلەجۇرگىزۋشى جانە ەڭ باي قارا ءناسىلدى ايەل اتاندى. باعدارلامانىڭ قوناقتارى - ساياساتتانۋشىلار: بيلل كلينتون، دجوردج بۋش، دونالد ترامپ؛ اتاقتى ونەر جۇلدىزدارى: مادوننا، مايكل دجەكسون، ريكي مارتين، ال پاچينو بولدى.
اتاقتى تەلەشوۋ الەمنىڭ 164 مەملەكەتىندە كورسەتىلىپ، 4561 ەپيزود ءتۇسىرىلدى. 2011 جىل باعدارلاما جابىلدى. باعدارلاما جابىلا سالىسىمەن وپرا ءوزىنىڭ جەكە OWN (OPRA WINFREI NETWORK) دەپ اتالاتىن تەلەارناسىن اشادى. بۇگىندە وپرا قايىرىمدىلىق قورىن جانە ءوزىنىڭ جەكە جۋرنالىن باسقارادى.
جەكە ءومىرى
وپرا ستەدەم گرەحەم ەسىمدى ازاماتپەن كوڭىل قوسقان. ولار 1992 جىلدان بەرى ازاماتتىق نەكەدە تۇرادى. العاش 14 جاسىندا بالا تۋعان ول مۇنان كەيىن انا بولۋ باقىتىن سەزىنبەگەن.
ۇسىنعان: اسەم مەرەكە قىزى
پىكىر قالدىرۋ