بۇل تۋرالى مەملەكەت باسشىسى «نۇر وتان» پارتياسىنىڭ كەزەكتى XVIII سەزىندە ايتتى، دەپ حابارلايدى Qamshy.kz اقپارات اگەنتتىگى.

سەزد بارىسىندا «نۇر وتان» پارتياسىنىڭ ەل دامۋىنداعى ماڭىزدى رولىنە توقتالعان ەلباسى مەملەكەتتىڭ قۋاتتىلىعى حالىقتىڭ تۇرمىسىمەن ولشەنەتىنىنە نازار اۋداردى.

– مەملەكەتتىڭ قۋاتتىلىعى ەكونوميكانىڭ دامۋ قارقىنىمەن، تۇرعىنداردىڭ تۇرمىس ساپاسىمەن ولشەنەدى. سوندىقتان مەن وزىمە سەنىم ارتقان حالقىمدى بولاشاقتا ەمەس، ءقازىر باقىتتى بولعانىن كورگىم كەلەدى، – نۇرسۇلتان نازاربايەۆ.

سونداي-اق مەملەكەت باسشىسى، «نۇر وتان» پارتياسىنىڭ ءتوراعاسى نۇرسۇلتان نازاربايەۆ سەزدىڭ ماڭىزى تۋرالى ايتتى.

– باس پارتيا بولۋ دەگەن باسقارۋ ەمەس، ەلگە ادال قىزمەت ەتۋ بولىپ سانالادى. ءبىز حالىق بىرلىگىنىڭ پارتياسىمىز. بۇگىنگى سەزد قازاقستاندى دامىتۋدىڭ جاڭا كەزەڭىنەن جول اشىپ وتىر، – دەدى مەملەكەت باسشىسى.

ايتا كەتەيىك، بۇگىن استانادا «نۇر وتان» پارتياسىنىڭ كەزەكتى XVIII سەزى وتۋدە. وعان ەلىمىزدىڭ بارلىق وڭىرىنەن كەلگەن 2000-نان استام دەلەگات قاتىسۋدا. سەزدە پارتيانىڭ 2030 جىلعا دەيىنگى جاڭا باعدارلاماسى قابىلدانىپ، الداعى باعىت-باعدارى ايقىندالادى دەپ جوسپارلانۋدا.