استانا قالاسىندا نۇرسۇلتان نازاربايەۆ توراعالىعىمەن "نۇر وتان" پارتياسىنىڭ XVIII سەزى ءوتىپ جاتىر. سەزد پارتيانىڭ 20 جىلدىق مەرەيتويىنا ويلاستىرىلعان، دەپ حابارلايدى Qamshy.kz اقپارات اگەنتتىگى.

الەۋمەتتىك سالاعا كوپ كوڭىل ءبولۋ كەرەكتىگى تۋرالى ايتىلعان ەلباسىنىڭ العى ءسوزى جەمقورلىق ماسەلەسىنە ۇلاستى. ءوز سوزىندە نازاربايەۆ جەمقورلىقتى جويۋدى ماقسات تۇتۋ كەرەكتىگىن ەسكەردى.

"جەمقورلىقتى جويۋعا قاتتى كوڭىل ءبولۋ كەرەك. اسىرەسە، جاستار اراسىندا. بيىل جاستار جىلى، ولار - ءبىزدىڭ بولاشاعىمىز. ال پارتيا جاس كادرلاردى قولداۋعا كوڭىل ءبولسىن. "نۇر وتان" مۇشەلەرىنىڭ ءبارى ناعىز ۇلتجاندى بولىپ، جوعارى قۇرمەتكە يە بولۋى كەرەك. ءبىز بۇگىن سان قۋالاماي، ساپاعا كوشەمىز. پارتيا مۇشەلەرىنىڭ ساپاسى ماڭىزدى

پارتيالىق شارالاردىڭ ءبارىنىڭ مازمۇنىنا اسا كوڭىل ءبولۋ كەرەك. ءبىز حالىقتىڭ شىن جاعدايىمەن تانىسىپ، شەشىمدەردى ۇسىنۋىمىز كەرەك. بۇل ءبىزدىڭ قولدان كەلەدى"، - دەدى نازاربايەۆ.

نۇرسۇلتان نازاربايەۆتىڭ سەزدەگى بايانداماسى جارتى ساعاتقا سوزىلدى. پرەزيدەنت ناقتى تاپسىمالاردان باستاعان بايانداماسىن قاراپايىم تىلمەن اياقتاپ، پارتيالىقتاعا سەنەتىنىن ايتتى.

ەلباسىنىڭ ءسوزى "العا، "نۇر وتان" دەگەن ۇرانمەن اياقتالدى.

ۇسىنعان: گۇلىم جاقان