Space X – يلون ماسكتىڭ مارسقا بارۋ ارمانىنان پايدا بولعان جەكەمەنشىك كومپانيا. باسىندا يلونعا ەشكىم سەنبەدى، ءتىپتى ونىڭ ۇستىنەن كۇلگەندەر دە بولدى. الايدا 17 جىلدان كەيىن SpaceX 6 000 قىزمەتكەرى مەن 12 ميلليارد دوللارلىق كەلىسىمشارتى بار بەدەلدى كومپانياعا اينالدى. كەشە ءبىزدىڭ ۋنيۆەرسيتەتكە سول SpaceX كومپانياسىنىڭ پرەزيدەنتى گۆين شوتۆەلل كەلىپ، لەكسيا وقىدى. شوتۆەلل Northwesternء-نىڭ ينجەنەرلىك مەكتەبىن بىتىرگەن. ول SpaceXء-تىڭ بولاشاقتاعى جوسپارلارىمەن ءبولىسءتى. وتكەن جىلى SpaceX 21 رەت ۇشىرىلىم جاساعان. جەكەمەنشىك كومپانيانىڭ ۇشىرىلىم سانى بۇكىل روسكوسموستىكىنەن كوپ. بۇگىن، اللا جازسا، كاناۆەرال مۇيىسىندەگى كەننەدي ورتاعىلىنان Falcon 9 زىمىران-تاسىعىشى عارىشكەرلەردى تاسىمالداۋعا ارنالعان جانە بىرنەشە رەت قولدانۋعا بولاتىن Dragon 2 عارىش كەمەسىن الىپ ۇشادى. ەگەر تەستتىك ۇشىرىلىم ءساتتى وتسە، وندا شىلدەدەن باستاپ اقش ءوز كۇشىمەن عارىشكەلەرىن كوسموسقا جىبەرمەكشى. وسىلايشا روسكوسموستىڭ ءداۋىرى اياقتالاتىن سياقتى. ودان بولەك SpaceX جۇزدەگەن ادامدى مارسقا جەتكىزۋگە مۇمكىندىك بەرەتىن Starship زىمىران-تاسىعىشىن ازىرلەۋ ۇستىندە.
P.S. ايدىن ايىمبەتوۆتىڭ كوسموسقا ۇشۋىن بيلىكتەگىلەر تاۋەلسىز قازاقستاننىڭ ەرەكشە جەتىستىگى رەتىندە كورسەتتى. ايەكەڭ “داستارحان-6” دەپ الاتىن ەكسپەريمەنت جاساپتى-مىس. قاراپايىم تىلمەن ايتساق، 20 ميلليون دوللارعا قازاقتىڭ قازىسى مەن قارتاسىن كوسموستا جەپ قايتتى. شىنىمدى ايتسام، مەن ءبىزدىڭ كوسموناۆتيكا ءۇشىن ۇيالدىم. عارىشكەرلەردىڭ سانىن كوبەيتۋ ءۇشىن عارىشقا ۇشاتىن زاماننان الدەقاشان ءوتىپ كەتتىك. بىزگە عارىش تۋريستتەرى مەن گەدونيستتەرى ەمەس - عارىش عالىمدارى كەرەك.
نۇربەك ماتجاني،
سولتۇستىك-باتىس ۋنيۆەرسيتەتىنىڭ ستۋدەنتى
پىكىر قالدىرۋ