ورال قالاسىنىڭ تۇرعىنى رەسەيلىك "داۋىس. بالالار" تەلەباعدارلاماسىندا قازىلار القاسىن ءتانتى ەتتى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

11 جاستاعى ەرجان ماكسيم ءبىرىنشى ارناداعى "داۋىس. بالالار" بايقاۋىنا قاتىستى. ونىڭ ونەر كورسەتكەندەگى ءساتى جوبانىڭ رەسمي Youtube-كانالىندا جاريالاندى. ەرجان اندرەا بوچەلليدىڭ Ama credi e vai ءانىن ورىندادى. 

قازاقستاندىق جاس ونەرپاز بايقاۋدىڭ قازىلار القاسىن (سۆەتلانا لوبودا، پەلاگەيا جانە ۆالەريي مەلادزە) ءتانتى ەتتى. ۇشەۋى دە قازاقستاندىق ونەرپازعا بۇرىلىپ، العان اسەرىمەن ءبولىستى.

ەرجان ماكسيم جەتەكشى رەتىندە مەلادزەنى تاڭدادى.  "ال، قىمباتتى مەنىڭ ينستادوستارىم، اقىرىندا، كىمنىڭ كومانداسىنا وتكەنىمدى بىلدىڭىزدەر. الدىمىزدا كوپتەگەن جۇمىستار بار، سوندىقتان "جەكپە-جەك" كەزەڭىندە باعىمدى سىنايتىن بولامىن"، - دەپ جازدى ەرجان Instagram-داعى جەكە پاراقشاسىندا.

وسىعان دەيىن، ەرجان ماكسيم جانە تاعى ءتورت قازاقستاندىق جاس ونەرپاز رەسەيلىك "داۋىس. بالالار" تەلەجوباسىنىڭ كاستينگىنەن وتكەنى حابارلانعان ەدى. ەرجان - قازاقستانداعى Junior Eurovision 2018 بايقاۋىنا ىرىكتەۋگە قاتىسۋشىلاردىڭ ءبىرى.

ۇسىنعان: ماقپال سەمباي