الماتىلىق كاسىپكەرلەر "باقىتتى وتباسى" چەللەندجىن باستادى. ول سەرىكتەستەرىن تابىسى تومەن جانە كوپبالالى وتباسىلارعا كومەكتەسۋگە شاقىردى

ەرەكشە ەستافەتانى قالالىق ءماسليحاتتىڭ دەپۋتاتى قايرات قۇدايبەرگەن اشتى. ول ءوزى سىندى كاسىپكەر سەرىكتەستەرىن تابىسى تومەن جانە كوپبالالى وتباسىلارعا كومەكتەسۋگە شاقىردى، دەپ حابارلايدى Qamshy.kz اقپارات اگەنتتىگى Almaty.tv-نىڭ دەرەگىن نەگىزگە الىپ. 

حالىق قالاۋلىسى كەدەي وتباسىندا وسكەنىن جانە سوعان قاراماستان قيىن-قىستاۋ كەزەڭدە دە قايىرىمدىلىقپەن اينالىسقانىن ەسكە الدى.

"مەن بۇل چەللەندجدى ارمەن قاراي ءوزىمنىڭ كاسىپكەر ارىپتەستەرىم ارمانجان بايتاسوۆقا، سەرىك تۇلكىباسوۆقا، گۇلميرا تولعانبايەۆاعا، دۋلات تاستەكەيەۆكە جانە الماس ءابدىعاپپاروۆقا جولدايمىن. سىزدەردى دە كوپبالالى جانە كومەككە مۇقتاج وتباسىلارعا جاردەم بەرۋگە شاقىرامىن!"، – دەدى الماتى قالاسى ءماسليحاتىنىڭ دەپۋتاتى قايرات قۇدايبەرگەن.

ەرەكشە اكسياعا بارلىق قازاقستاندىق قاتىسا الادى. ايتا كەتەيىك، ىزگىلىكتى ءىستى باستاعان قايرات قۇدايبەرگەننىڭ ءوزى ءبىرىنشى بولىپ قورعا 7 ميلليون تەڭگە قاراجات اۋداردى.

ۇسىنعان: اسەل بولات قىزى