«نۇرلى جەر» مەملەكەتتىك باعدارلاماسىنىڭ تۇرعىن ءۇيىن «7-20-25» باعدارلاماسى ارقىلى ساتىپ الۋدىڭ الگوريتمى پاتەردى جەكە قۇرىلىس كومپانيالار ارقىلى ساتىپ الۋ تەتىگىنە ۇقساس، دەپ حابارلايدى Qamshy.kz اقپارات اگەنتتىگى «باسپانا» يپوتەكالىق ۇيىمىنىڭ دەرەگىن نەگىزگە الىپ. ايىرماشىلىعى تۇرعىن ءۇيدىڭ ساتۋشىسى جەرگىلىكتى اكىمدىكتەر بولاتىنى عانا.

ءبىرىنشى قادام. اكىمدىكتەر پاتەر وتكىزۋدى باستاۋ جانە تۇرعىن ءۇي سانىنىڭ «7-20-25» باعدارلاماسىنىڭ قاتىسۋشىلارى ءۇشىن جەتكىلىكتى ەكەنى تۋرالى حابارلاعاننان كەيىن اكىمدىككە ءوتىنىش جاساپ، ۇناعان پاتەردى برونداۋ قاجەت. سونداي-اق، «7-20-25» باعدارلاماسىنا قاتىسۋشى بانكتەردىڭ بىرىنە بارىپ، كرەديت الۋعا ءوتىنىش جازادى جانە بارلىق قاجەتتى قۇجاتتاردى تاپسىرادى. بارلىق قاجەتتى قۇجاتتاردىڭ بانككە تاپسىرىلعانى تۋرالى اكىمدىككە حابارلاۋ جانە قاجەت بولعان كەزدە ءبروندى ۇزارتۋ قاجەت.

ەكىنشى قادام. بانك قارىز الۋشىنىڭ بارلىق قۇجاتتارىنىڭ «7-20-25» باعدارلاماسىنىڭ تالاپتارىنا سايكەس كەلۋىن قارايدى جانە يپوتەكالىق كرەديت بەرۋدى ماقۇلدايدى (نە ماقۇلدامايدى). ەگەر يپوتەكا ماقۇلدانسا، قارىز الۋشى بانكتەن كەپىلدىك حاتىن الىپ، اكىمدىككە بەرەدى. اكىمدىك ساتىپ الۋ-ساتۋ شارتىن دايىندايدى.

ءۇشىنشى قادام. نوتاريۋس ساتىپ الۋ-ساتۋ شارتىن كۋالاندىرۋعا ءتيىس. بۇدان كەيىن بانكتىڭ شەشىمى جانە ونىڭ كەلىسۋى بويىنشا قارىز الۋشى باستاپقى جارنانى نە بانككە، نە اكىمدىكتىڭ شوتىنا ەنگىزەدى. قارىز الۋشى ساتىپ الۋ-ساتۋ شارتىن «ازاماتتارعا ارنالعان ۇكىمەت» مەملەكەتتىك كورپوراسياسى» كەاق-تا (حقكو) نەمەسە نوتاريۋس ارقىلى (EGOV.KZ ونلاين) تىركەيدى. تىركەلگەن ساتىپ الۋ-ساتۋ شارتىن بانككە تاپسىرۋ قاجەت.

ءتورتىنشى قادام. ءوتىنىش بەرۋشى بانكتە: قارىز شارتىنا، تولەم جاساۋ كەستەسىنە، ساتىپ الىناتىن تۇرعىن ءۇيدى كەپىلگە قويۋ شارتىنا قول قويادى. قارىز الۋشى ساتىپ الىناتىن تۇرعىن ءۇيدى كەپىلگە قويۋ شارتىن «ازاماتتارعا ارنالعان ۇكىمەت» مەملەكەتتىك كورپوراسياسى» كەاق-تا (حقكو) نەمەسە نوتاريۋس ارقىلى (EGOV.KZ ونلاين) تىركەيدى. ساتىپ الىناتىن تۇرعىن ءۇيدى كەپىلگە قويۋ شارتى مەملەكەتتىك تىركەلگەننەن كەيىن بانك قارىز سوماسىن اكىمدىككە اۋدارادى.

بەسىنشى جانە كوڭىلگە ەڭ ۇنامدى قادام. ازامات جاڭا پاتەردىڭ كىلتىن الىپ، ءوزىنىڭ مەنشىكتى تۇرعىن ۇيىنە كوشەدى.

ۇسىنعان: اسەل بولات قىزى