قازاقستاندا مۇگەدەك بالالاردىڭ كۇتىمىنە بەرىلەتىن جاردەماقى وسەدى. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ ايتتى، - دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

"مۇگەدەك بالالارعا بەرىلەتىن جاردەماقى جايلى ايتاتىن بولساق، 18 جاستان اسقان مۇگەدەك بالالارعا وسىعان دەيىن 31 183 تەڭگە بەرىلسە، ەندى ول جاردەماقى 10 مىڭ تەڭگەگە ءوسىپ، 41 578 تەڭگەگە جەتتى"، - دەدى ساپاربايەۆ ۇكىمەتتە وتكەن باسپا ءسوز ءماسليحاتى بارىسىندا.

ۆەدومستۆو باسشىسى مينيسترلىكتىڭ جەرگىلىكتى اتقارۋشى ورگان وكىلدەرىمەن بىرىگە وتىرىپ، ءاربىر وتباسىعا ارنالعان ءبىرىڭعاي الەۋمەتتىك كارتا دايىنداپ جاتقانىن ايتتى. "وسى كارتانىڭ نەگىزىندە ەلىمىزدەگى مۇقتاج ادامداردى انىقتاپ، ولارعا كومەك پەن قولداۋ كورسەتەمىز. باستى ماقساتىمىز - دەنساۋلىعىنىڭ بولماۋىنا بايلانىستى جۇمىس ىستەي الماعان ادامداردىڭ جۇمىسقا ورنالاسۋى. ولارعا جۇمىس ورىندارىن ۇسىنامىز، ورنالاستىرامىز"، - دەدى ەڭبەك جانە حالىقتى الەۋمەتتىك قورعاۋ ءمينيسترى.

سونداي-اق، ول مۇمكىندىگى شەكتەۋلى جاندار مەن اۋىلدا تۇراتىندارعا ميكرونەسيە بەرۋ مۇمكىندىگى قاراستىرىلىپ جاتقانىن ايتتى. ساپاربايەۆ الەۋمەتتىك كومەك بەرۋدىڭ قالاي جەڭىلدەيتىنىن ايتتى.

ۇسىنعان: ماقپال سەمباي