الماتىدا «باقىتتى وتباسى» تۇرعىن ءۇي باعدارلاماسى بويىنشا قۇجات قابىلداۋ باستالدى دەپ حابارلايدى Qamshy.kz اقپارات اگەنتتىگى.

«باقىتتى وتباسى» باعدارلاماسىنىڭ رەسمي سايتىندا بيۋدجەتتىك يپوتەكانى الۋدىڭ بارلىق شارتتارى، تاپسىرىلاتىن قۇجاتتاردىڭ ءتىزىمى مەن ءوتىنىم بەرۋ جولدارى كورسەتىلگەن.

باعدارلاماعا كوممۋنالدىق قوردان باسپاناعا مۇقتاج كوپبالالى وتباسىلار قاتىسا الادى.

نەگىزگى شارتتارى:

• «تۇرعىن ءۇي قۇرىلىس جيناق بانكى» اق-نىڭ قارىزى 15 ملن تەڭگەگە دەيىن؛
• العاشقى جارنا - ءۇي قۇنىنىڭ 10%؛
• نەسيەنىڭ پروسەنتتىك ستاۆكاسى - جىلىنا 2%؛
• باسپانا جاڭا سالىنعان بولۋى ءتيىس؛
• ءوتىنىشتى پورتال ارقىلى بەرۋگە بولادى.

ول ءۇشىن ادامدا ەلەكتروندىق سيفرلى قولتاڭبا بولۋى شارت. - باسپانانى قاتىسۋشىلار وزدەرى تاڭداي الادى. مۇنىڭ الدىندا الماتى قالالىق تۇرعىن ءۇي ساياساتى باسقارماسىنىڭ ءبولىم  باسشىسى ەرمەك ءامىروۆ كوپبالالى وتباسىلار الماتىنىڭ قاي اۋدانىنان باسپانا الاتىنىن ايتقان بولاتىن.

باعدارلامانى جۇزەگە اسىرۋعا جەرگىلىكتى بيۋدجەتتەن 1 ملرد تەڭگە جۇمسالادى.

ۇسىنعان: ماقپال سەمباي