الي وقاپوۆ ديماشتىڭ حيت ءانى جوق ەكەنىن ايتتى دەپ جازادى Qamshy.kz اقپارات اگەنتتىگى. قازاقستاندىق ءانشى بۇل تۋرالى ريەۆيۋ باعدارلاماسىنا بەرگەن سۇحباتتارىنىڭ بىرىندە ايتقان. 

 — ديماش دەگەندە، ءبىز بىرىنشىدەن ديماشتىڭ ءوزىن جانە ونىڭ داۋسىن، كوز الدىمىزعا الامىز. ال ديماش، وسىنداي ءان دەيتىندەي وكىنىشكە وراي بىردە-بىر ءان شىقپاعان. بۇل ەندى اقيقات، بۇل – شىندىق! بىرنەشە بەينەباياندارى بار ەكەنىن بىلەمىن. قانشاما كونسەرتتەردى بەرگەنىن بىلەمىن. ءبىراق، ديماش – الەمدىك اندەردىڭ كاۆەرىن ورىنداۋدان ءوز تىڭدارماندارىن تاپقان نەمەسە جاۋلاعان ءانشى. مەنىڭ ويىمشا ءاربىر انشىگە حيت كەرەك! - دەيدى ءالي وقاپوۆ. 

ءاليدىڭ ايتقانىمەن ونەردەگى اعا-اپكەلەرى كەلىسە قويمايدى. مۋزىكا مايتالماندارىنىڭ پايىمداۋىنشا، ديماش شىرقاعان ءاربىر شىعارما وزىندىك ەرەكشەلىگىمەن تىڭدارماندار جۇرەگىن جاۋلاپ ۇلگەرگەن. 

"ونىڭ بارلىق ءانى حيت. مەن كەلىسپەيمىن. بىزدە «حيت» دەپ ارزانقول اندەردى حيت قىلىپ العان عوي. بۇگىن «ىمبا-ىمبا» دەيدى. تاڭەرتەڭ ول حيت بولىپ شىعادى. «دايديداۋدى» ءتورت جاسار بالاعا دەيىن ايتادى جانە ءبارى ديماش سياقتى ايتۋعا تىرىسادى"، - دەيدى مايرا ءىلياسوۆا. 

ۇسىنعان: اسەل بولات قىزى