ەرلان سايروۆ، ساياساتتانۋشى
تاۋەلسىز ەل بولىپ ەس جيعالى قىرۋار شارۋا اتقارىلدى. جاسىراتىنى جوق، قيىن كەزەڭدەر بىرتە-بىرتە ارتتا قالىپ، ارقا-باسىمىز كەڭەيدى. ەندىگى ماسەلە — حالىقتىڭ الەۋمەتتىك جاعدايىن تومەندەتپەۋگە بارلىق جاعداي جاساۋ. ويتكەنى، مەملەكەتتىڭ باستى بايلىعى – ادام. ەلباسى دا الەۋمەتتىك ماسەلەلەردى شەشۋگە باسا ءمان بەرىپ جاتىر.
حالىقتىڭ الەۋمەتتىك تۇرعىدان ءالسىز توپتارى ءۇشىن ءىرى قالالاردا جالدامالى تۇرعىن ءۇي قۇرىلىسىن ۇلعايتۋ كوزدەلگەن. اعا ۇرپاققا قامقورلىق كورسەتۋ، جاستارعا تالىمگەرلىك، مۇگەدەكتەر مەن از قامتىلعان وتباسىلارعا قامقورلىق كورسەتۋ سياقتى باستامالار كوتەرىلۋدە. الماتى ءماسليحاتىنىڭ دەپۋتاتتارى «باقىتتى وتباسى» الەۋمەتتىك باعدارلاماسىن جۇزەگە اسىرۋعا قارجى ءبولۋدى قولدادى.
قازىرگى تاڭدا قوعامىمىزداعى تۇرمىسى تومەن وتباسىلارىنا دەگەن كوزقاراس وزگەرگەنى بارىمىزگە بەلگىلى. مەملەكەت تاراپىنان حالىقتى الەۋمەتتىك قولداۋ نىساندى ءارى اتاۋلى سيپات العان جاعدايدا عانا ناتيجەلى بولادى. مەملەكەتىمىز قوعامنىڭ وسىنداي كومەككە اسا ءزارۋ مۇشەلەرىن قولداۋعا مىندەتتى جانە سول ءۇشىن جاۋاپكەرشىلىكتى ءىس جۇزىندە وزىنە الىپ وتىر. ەڭ الدىمەن، بالالار، كوپبالالى انالار.
مەملەكەت الەۋمەتتىك ساياسات ۇستانعان جاعدايدا عانا ەلىمىز ءوزىنىڭ وركەندى دامۋ جولىنا تۇسەتىنىن ءومىردىڭ ءوزى كورسەتىپ بەردى.
پىكىر قالدىرۋ