ديماشتىڭ جانكۇيەرلەرى ديماشقا قولداۋ ءبىلدىرىپ، ماقتان تۇتاتىنىن ايتتى دەپ جازادى Qamshy.kz اقپارات اگەنتتىگى. بۇل تۋرالى ديماشتىڭ جانكۇيەرلەرى ءوز Instagram پاراقشاسىنا جازدى. 

"ديماش بىردە بىلاي دەپ ايتقان ەدى: "بارلىق جاعدايدا ادامگەرشىلىك تانىتۋ كەرەك. ماماندىعىڭىز ءارتىس پا، ۇستاز با، دارىگەر مە، قانداي ماماندىق يەسى بولساڭىز دا رۋحاني قۇندىلىقتاردى جوعالتپاۋ كەرەك". ديماش بۇگىن وسى سوزدەرىن ىسىمەن دالەلدەدى. ول ادەمى دانالى سوزدەردى ايتىپ قانا قويمايدى، ومىردە قولدانادى. "Adagio" ءانىن كەرەمەت ورىنداعاننان كەيىن ديماش ءسوز الىپ، بالالارمەن سايىسقا تۇسكىسى كەلمەيتىندىگن ايتىپ ءارى قاراي شوۋعا قاتىسۋدان باس تارتتى"،- دەپ جازدى Dimash.dostar. 

ايتا كەتسەك، ديماش قۇدايبەرگەن The World's Best امەريكالىق شوۋىنىڭ جارتىلاي فينالىنا كىشكەنتاي بالالارمەن ب ا ق سىناسپايتىنىن ايتىپ، سايىستى ودان ءارى جالعاستىرۋدان باس تارتتى. بۇل امەريكالىق قازىلار-القاسى ءۇشىن تاڭعالارلىق جايت بولدى. كەيبىرى ديماشقا "قايدا كەلگەنىڭدى ءبىلدىڭ عوي"، - دەپ رەنىشتەرىن ءبىلدىردى. ال ديماش قۇدايبەرگەن بولسا "ماعان دەگەن ازداعان رەنىش بارىن بايقادىم. بۇل مەنىڭ ەگويستىگىم ەمەس. ءبىراق اعا-اپالارىمىز مەنىڭ دۇرىس جاساعانىمدى ايتەۋىر ءبىر كۇنى تۇسىنەتىنىنە مەن كامىل سەنەمىن"،- دەدى. 

ال قازاقستاننىڭ اتىنان قازىلار القاسىنىڭ مۇشەسى بولعان گاۋحار نۇرتاس ءوز ارىپتەستەرىنە بۇل قازاقتىڭ مەنتاليتەتى ەكەنىن تۇسىندىرۋگە تىرىستى. 

ۇسىنعان: اسەل بولات قىزى