شەتەلدەگى ورىس ءتىلدى قازاق ءجۋرناليسى بەكجان ىدىرىسوۆ امەريكالىق شوۋداعى ديماشتىڭ ەكى جاسوسپىرىمگە جول بەرۋىن قاتاڭ سىنعا الدى دەپ جازادى Qamshy.kz اقپارات اگەنتتىگى. ول بۇل تۋرالى ءوزىنىڭ فەيسبۋك پاراقشاسىندا جازدى.
"ديماشتىڭ ءىسى – قازاقبايشىلىقتىڭ ەڭ سوراقى ءتۇرى. تەكتىلىك قايدا؟ امەريكالىقتار – ءار ءىستىڭ سوڭىنا دەيىن بارىپ، بار كۇشىن سارپ ەتەتىن ادامداردى باعالايدى . نەگە ەكەنىن بىلەسىز بە؟ ويتكەنى ولار ەڭبەكتى باعالاي بىلەدى. ويلانىپ قاراڭىزشى، قانشاما ادامدار بۇل جارىسقا بار كۇشىن، ۋاقىتىن ارنادى. ولار فينالدان ناعىز ەكى مىقتى دەگەن تالانتتى كورگىسى كەلدى. پروديۋسەرلەر، رەجيسسەرلەر، كوستيۋمەر، گريمەر، وپەراتور، مۋزىكانتتار جۇزدەگەن ادامدار وسى ءۇشىن تەر توكتى. ال، سول ەڭبەكتىڭ قايتارىمىن وزدەرىڭىز دە كوردىڭىزدەر. بۇل - جاي عانا شوۋ!
وسى شوۋدىڭ ارقاسىندا بۇكىل كورەرمەن ديماشتىڭ ىستەگەن قازاقپايشىلىعىن كوردى! بۇل دەگەنىمىز سول ەڭبەك ەتكەندەردىڭ بەتىنە تۇكىرگەنمەن بىردەي عوي. حالىق ەڭ مىقتىنى كورگىسى كەلدى. بىردە - ءبىر امەريكالىق ديماشتىڭ اقتىق مارەگە كەلگەندە ءدال وسىلاي جوبادان شىعىپ كەتە سالاتىنىن كۇتكەن جوق. سەن ءۇشىن قانشا ساراپشىلار سول جەردە بار ۋاقىتىن ارنادى، سەن ءۇشىن، ديماش! سەن دە سوعان لايىقتى تۇردە جاۋاپ قايتارۋىڭ كەرەك ەدى. سەن ءوزىڭنىڭ بەكزاتتىلىعىڭدى، مارتتىگىڭدى عانا كورسەتكىڭ كەلدى. مىنە، بۇل ناعىز قازاقپايشىلىقتىڭ بەلگىسى. بۇل جاي عانا اقىماقتىق.
ال ەندى مۇنىڭ سالدارى تۋرالى ويلانايىق. امەريكا حالقى ديماشتىڭ نەلىكتەن مۇنداي شەشىمگە كەلگەندىگىن تۇسىنبەي دال بولدى. نەگىزىندە ولار سوڭعى شەشۋشى ساتكە كەلگەندە بارلىعىنان باس تارتا سالاتىن ادامداردى مۇلدەم تۇسىنبەيدى. مەنىڭشە، اقش-تىڭ ەشبىر پروديۋسەرى وسى جاعدايدان كەيىن ديماشپەن جۇمىس ىستەگىسى كەلمەيدى. ءدال قازىرگى ۋاقىتتا ديماش كاسىبي دامۋ جاعىنان ۇتىلدى. ءقازىر ديماشتا نە بار، ويلاپ قاراڭىزشى. ەرەكشە داۋىس پەن تالانت قانا بار. بولدى. ءوزىنىڭ بىرەگەي رەپەرتۋارى بار ما؟ جوق. بىرەگەي كونسەرتتىك باعدارلاماسى بار ما؟ جوق. اقش-تاعى وسى شوۋدان كەيىن وسىنىڭ ءبارى ديماشتا بولار ەدى. ءبىراق... قالاي دەسەك تە امەريكالىقتار شوۋ-بيزنەستىڭ شىن شەبەرلەرى ەمەس پە؟!
ديماش بۇل جوبا ارقىلى جاڭا بەلەسكە كوتەرىلە الاتىن ەدى. جۇڭگو پروديۋسەرلەرى ديماشتان ۇلكەن ءۇمىت كۇتكەندىكتەن، ونى لوس-اندجەلەسكە بارۋعا ۇسىنىس جاسادى. ەندى ولاردىڭ بار ءۇمىتىن كادىمگى قازاقپايشىلىق جوق قىلدى. ديماش تەك الەم الدىندا ءبىر ماقتانىپ قالدى. ال شىندىعىنا كەلسەك، مەنىڭ ويىمشا، ديماشقا مۇنداي قازاقپايشىلىق ءبىر نارسە عانا بەرەدى: پارتياعا مۇشە بولۋ، نازاربايەۆپەن قول ۇستاسىپ سۋرەتكە ءتۇسۋ، ءوزىنىڭ زاڭدى جەڭىسىنەن باس تارتۋ... نە ءۇشىن؟ كىم ءۇشىن؟!
ديماش، اينالايىن! سەنىڭ جولىڭ – ادامداردى ءوز تالانتىڭمەن قۋانتۋ، داۋىسىڭمەن، انىڭمەن قۋانتۋ! ول ءۇشىن ەڭبەكتەنىپ قانا قويماي، ناقتى ماقسات قويىپ، سوعان جەتۋگە ۇمتىلۋ كەرەك، باسقا ادامداردىڭ ەڭبەگىن باعالاۋدى ۇيرەنۋ كەرەك! نۇر وتان مەن استانا مۇنى ۇيرەتپەيدى. جانىڭداعى قازاقپايشىل كەڭەسشىلەرىڭدى تىڭداما! ءدال سونداي كەڭەسشىلەردىڭ كەسىرىنەن قازاقتار ءالى كۇنگە دەيىن وركەنيەتتەن الىستا ءجۇر. مەن نيۋ-يوركتە ءوزىمنىڭ ءاربىر جولاۋشىما سەنىڭ اندەرىڭدى تىڭداتاتىنمىن. ءبىراق سەنىڭ ارەكەتىڭنەن كەيىن اندەرىڭدى تىڭداعىم دا كەلمەي قالدى. وكپەم قارا قازانداي. اقىلمەن شەشىم قابىلداعانىڭ ءجون!"، – دەپ جازدى بەكجان ىدىرىسوۆ
ەسكە سالا كەتسەك، قازاقستاندىق ءانشى ديماش قۇدايبەرگەن امەريكالىق The World's Best بايقاۋىنان ءوز ەركىمەن شىققان ەدى. جارتىلاي فينالدا "Adagio" ءانىن شىرقاعان ديماش فينالدا وزىنەن جاسى كىشى ەكى انشىگە – قازاقستاندىق دانەليا تۋلەشوۆا مەن ءۇندىستاندىق ليديانا نادحاسۆاراماعا جول بەرگىسى كەلەتىندىگىن مالىمدەگەن. اتالمىش بايقاۋدا ءۇندىستاندىق پيونيست ليديانا نادحاسۆارام جەڭىمپاز اتاندى.
بەكجان ىدىرىسوۆتىڭ Facebook پاراقشاسىنان
ۇسىنعان: فاريزا جومارت قىزى
پىكىر قالدىرۋ