جاڭا زەلاندياداعى تەراكتى كەزىندە امان قالعان يندونەزيالىق ستۋدەنت قاندىقول قىلمىسكەردەن قالاي قاشقانى تۋرالى ايتىپ بەردى دەپ جازادى Qamshy.kz اقپارات اگەنتتىگى BBC سايتىنىڭ دەرەگىن نەگىزگە الىپ. 

يرفان يۋنيانتو سول كۇنى مەشىتتەگى كىشكەنتاي بولمەدە تاڭعى نامازىن وقىپ بولىپ، ۋاعىز تىڭداپ وتىرعان. ءبىر كەزدە سىرت جاقتان قاتتى داۋىس ەستىلەدى. 

"ءبىر كەزدە وق اتىلعانىن ەستىدىم. سودان كەيىن قاشا جونەلدىم. مەن ءوزىم وتىرعان بولمەدەگى قوسالقى ەسىكتەن شىعىپ كەتتىم. سودان كەيىن مەشىتتىڭ ارتىنداعى تۇراققا باردىم. تۇراق جاقتا بىرنەشە ادامنىڭ قاقپادان سەكىرىپ جاتقانىن كوردىم. ماعان ءبىر جىگىت كومەكتەستى"، - دەيدى امان قالعان جىگىت. 

♦28 جاستاعى قىلمىسكەر مەشىتتەگى اتىستى ۆيدەوعا تۇسىرگەن (ۆيدەو +18)

ونىڭ ايتۋىنشا، ەڭبەك دەمالىسىنداعى دارىگەر 15 شاقتى ادامدى ءوز ۇيىنە كىرگىزگەن. ولاردىڭ ەكەۋى جاراقات العان. 

"ەڭبەك دەمالىسىنداعى دارىگەر بىزگە كومەك كورسەتتى. سونداي-اق ول وتە قوناقجاي ەكەن. بىزگە تاماق پەن سۋسىن ۇسىندى"، دەيدى يرفان يۋنيانتو. 

ولار 5 ساعاتقا جۋىق سىرتقا شىقپاي وتىرعان. پوليسيا قىزمەتكەرلەرى كەلگەن سوڭ عانا ۇيدەن شىعىپتى. 

"ءبىز قاتتى قورىقتىق. كوشەگە شىعۋعا باتا المادىق. اسىرەسە شابۋىل جاساعان ادامدى كەزدەستىرۋدەن قورىقتىق"، - دەيدى يرفان يۋنيانتو. 

ەسكە سالا كەتسەك، جۇما كۇنى تاڭەرتەڭ جاڭا زەلانديا حالقى عانا ەمەس كۇللى مۇسىلمان قاۋىم قارا جامىلدى. جاڭا زەلاندياداعى 2 مەشىتكە شابۋىل جاسالدى. كرايسچەرچ قالاسىنداعى  ءال-نۇر مەشىتىندە 49 ادام كوز جۇمدى. برەنتون تاررانت ءوزىنىڭ بۇل ارەكەتىن تەراكتى دەپ باعالادى. سونداي-اق ول بولعان وقيعانى ۆيدەوعا تۇسىرگەن.