جەڭىل سالماقتا WBU بويىنشا جانە ەكىنشى جارتىلاي جەڭىل سالماقتا IBO بويىنشا الەم چەمپيونى فيرۋزا ءشارىپوۆاعا باسقا ەلدەردىڭ اتىنان جارىسقا قاتىسۋ تۋرالى ۇسىنىستار ءتۇسىپ جاتىر دەپ حابارلايدى Qamshy.kz اقپارات اگەنتتىگى sputniknews.kzء-تىڭ دەرەگىن نەگىزگە الا وتىرىپ.
قازاقستاندىق الەم چەمپيونى فيرۋزا ءشارىپوۆا بوكس – ايەلدەرگە جات سپورت دەگەن ۇعىمدى ءتۇپ -تامىرىمەن جويۋدى جالعاستىرىپ كەلەدى.
"ومىرىمىزگە ەش زيانى جوق، ءبارى ادامعا بايلانىستى. زالدا سەن سپورتشىسىڭ. زالدان تىس قاراپايىم ادامسىڭ. مەن دە باسقا قىزدار سياقتى كويلەك كيەمىن، وپا-دالاپ جاعامىن، تاماق پىسىرە الامىن"، - دەيدى ول.
ءشارىپوۆانىڭ مەنەدجەرى سەرگەي زاۆيلەيسكيي اتاپ وتكەندەي، قازاقستاندىق قىزعا باسقا ەلدىڭ نامىسىن قورعاۋ تۋرالى ۇسىنىستار ءجيى تۇسەدى.
"اۋەلى بۇرىنعى كەڭەس وداعىنىڭ ءبىر ەلىنەن ۇسىنىس بولدى، وتكەن اپتادا ازيا ەلدەرىنىڭ ءبىرى فيرۋزا سول مەملەكەتتىڭ اتىنان جارىستارعا قاتىسۋ ءۇشىن ءبىر ميلليون دوللار تولەۋگە ۇسىنىس جاسادى"، - دەيدى ول.
ۇسىنعان: فاريزا جومارت قىزى
پىكىر قالدىرۋ