جاڭا زەلانديادا  حۋسنە ارا پارۆين اتتى ايەل ءال-نۇر مەشىتىندەگى اتىس كەزىندە سال بولىپ قالعان كۇيەۋى فاريد ءۋدديندى قۇتقارامىن دەپ جان تاپسىردى دەپ حابارلايدى Qamshy.kz اقپارات اگەنتتىگى bdnews24 سايتىنىڭ دەرەگىن نەگىزگە الا وتىرىپ. ءپارۆيننىڭ كۇيەۋى قاندى قىرعىننان امان قالعان، اتىس باستالعان كەزدە ونى باسقا بىرەۋلەر ءقاۋىپسىز جەرگە شىعارعان.

ءال-نۇر مەشىتى ايەلدەر جانە ەرلەر سەكسياسىنا بولىنگەن. 

“اپكەم مۇگەدەكتەر ارباسىنا تاڭىلعان كۇيەۋىن ەرلەر سەكسياسىنا قالدىرىپ، ءوزى ايەلدەر سەكسياسىنا كەتكەن. ول قارۋدىڭ داۋىسىن ەستىپ، كۇيەۋىن قۇتقارۋ ءۇشىن ەرلەر سەكسياسىنا جۇگىرىپ بارىپ، سول جەردە جان تاپسىرعان”، – دەيدى ايەلدىڭ ءىنىسى ماحفۋز چوۋدحۋري.

جاڭا زەلانديا پوليسياسى ءپارۆيننىڭ وققا ۇشقانىن وتباسىنا حابارلاعان، الايدا، ازىرگە ونىڭ ءمايىتىن تۋىستارىنا بەرمەپتى.  

ەسكە سالا كەتسەك، جۇما كۇنى كرايسچەرچتەگى ەكى مەشىتتە بەلگىسىز بىرەۋلەر كەلۋشىلەرگە وق جاۋدىرعان بولاتىن. جەرگىلىكتى بيلىكتىڭ مالىمەتىنشە، 49 ادام كوز جۇمعان.  جاڭا زەلانديا پرەمەرى دجاسيندا اردەرن بولعان وقيعانى تەراكت دەپ اتادى. شابۋىلعا قاتىسى بار دەگەن كۇدىكپەن ءۇش ادام ۇستالىپ، اۆستراليا ازاماتى مەن 28 جاستاعى برەنتون تاررانتقا كىسى ءولتىردى دەگەن ايىپ تاعىلدى. سەنبى كۇنى سوت ونى قاماۋدا ۇستاۋ مەرزىمىن 5 ساۋىرگە دەيىن ۇزارتتى.

اۋدارعان: فاريزا جومارت قىزى