ءبىلىم جانە عىلىم ءمينيسترى كۇلاش ءشامشيدينوۆا "قازاقستان تاريحى"، "قازاق ءتىلى"، "گەوگرافيا" پاندەرىنە ءبىرشاما وزگەرىس ەنگىزەتىنىن مالىمدەدى دەپ حابارلايدى Qamshy.kz اقپارات اگەنتتىگى.

"قازاقستان تاريحى، قازاق ءتىلى جانە گەوگرافيا مەنتاليتەتكە ساي بولادى." - دەدى ءبىلىم جانە عىلىم ءمينيسترى.

– ءبىز جالپى مەكتەپ مۇعالىمدەرىن قولداۋىمىز قاجەت. بالالارىمىزعا دۇرىس پاتريوتتىق تاربيە بەرۋ ءۇشىن "قازاقستان تاريحى"، "قازاق ءتىلى"، "گەوگرافيا" پاندەرىنىڭ مازمۇنى حالىقتىڭ مەنتاليتەتىنە ساي جۇرگىزىلەدى. مەكتەپتە ءبىلىم بەرۋگە ەر-ازاماتتاردى شاقىرۋ كەرەك. سەبەبى، بالاباقشا مەن مەكتەپتە ايەلدەردىڭ تاربيەسىن العان بالالار قىز سەكىلدى بولىپ بارادى، – دەگەن پىكىر ءبىلدىردى كۇلاش شامشيدينوۆا.

ەسكە سالا كەتسەك، 2019 جىلدىڭ 25 اقپانىندا  ءبىلىم جانە عىلىم ءمينيسترى لاۋازىمىنا تاعايىندالعان كۇلاش ءشامشيدينوۆا كەلەسى جىلدان باستاپ ءبىلىم جۇيەسىنە "الىپپەنى" اكەلەتىنىن مالىمدەگەن بولاتىن. 

ۇسىنعان: فاريزا جومارت قىزى