ءبىلىم جانە عىلىم ءمينيسترى كۇلاش شامشيدينوۆا جاڭاوزەن قالاسىنداعى ءبىلىم وردالارىن ارالاپ، بالالارمەن تىلدەستى دەپ جازادى Qamshy.kz اقپارات اگەنتتىگى.
مينيستر جاڭاوزەندىك بالالارمەن كەزدەسۋ بارىسىندا ولارمەن ەمىن-جارقىن اڭگىمەلەسىپ، بالالاردىڭ ءتىلىن تابا ءبىلدى. اتالمىش ۆيدەو الەۋمەتتىك جەلىدە قىزۋ تالقىلانۋدا. جەلى قولدانۋشىلارى ءمينيستردىڭ بۇل ارەكەتىن جوعارى باعالاپ، وڭ پىكىر ءبىلدىرىپ جاتىر.
مينيستر: مەكتەپتىڭ ءىشى قالاي؟ جاقسى ما؟
وقۋشىلار: جاقسى.
مينيستر: "جاراتىلىستانۋ" دەگەن جاڭا ءپان ەنگىزىلدى. قالاي قىزىق پا؟
وقۋشىلار: ءيا، قىزىق. كۇشتى.
مينيستر: ال نەسىمەن كۇشتى؟
وقۋشىلار: بارلىق سۇراقتاردىڭ جاۋابىن ءبىلىپ جاتىرمىز. ءبارىن تۇسىندىرەدى.
مينيستر: "نەگە قىستا قار جاۋادى، نەگە جازدا جاڭبىر جاۋادى؟" دەگەن سۇراقتارعا جاۋاپ ىزدەپ كوردىڭدەر مە؟
وقۋشىلار: جوق.
مينيستر: ەندى ىزدەيسىڭدەر مە؟
وقۋشىلار: ءيا.
مينيستر: جاقسى، بالالار! وقۋلىق جەتەدى مە؟
وقۋشىلار: ءيا، جەتەدى.
مينيستر: مەكتەپ جىلى ما؟
وقۋشىلار: ءيا، جىلى.
مينيستر: ءقازىر مەكتەپتەن ۇيگە قايتقىلارىڭ كەلمەي تۇر عوي؟!
وقۋشىلار: ءيا.
مينيستر: سەبەبى مەكتەپتە قىزىق پا؟
وقۋشىلار: ءيا.
مينيستر: جاقسى، بالالار، جولدارىڭ بولسىن! ناۋرىز مەرەكەسى قۇتتى بولسىن! امان بولىڭدار! باقىتتى بولىڭدار!
وقۋشىلار: سىزگە دە راقمەت!
مينيستر: راقمەت، اينالايىن!
ساعادييەۆتىڭ ستراتەگياسىنان كەيىن حالىق ساپالى ءبىلىم ماسەلەسىنە كۇمانمەن قاراپ قالعان ەدى. ەكس-مينيسترگە نەشە ءتۇرلى ءسوز دە، پىكىر دە ايتىلدى. ءبىراق ول بار پالەدەن ءۇنسىز عانا قۇتىلدى. حالىقتى ءبىراز اۋرە-سارساڭعا سالدى. ەندى گارۆاردتا ءبىلىمىمدى جەتىلدىرەمىن دەپ مۇحيت اسىپ كەتە باردى. ال ءقازىر جاڭا ۇكىمەت حالىقتىڭ ءال-اۋقاتىن ايدى اسپانعا ءبىر-اق شىعارىپ جاقسارتپاسا دا، حالىق بىرنەشە ءمينيستردى جىلى قابىلداي باستادى. ولاردىڭ قاتارىندا بۇرىن مەكتەپ قابىرعاسىندا ساباق بەرگەن كۇلاش شامشيدينوۆا دا بار. ول مينيستر بولا سالا "بالالار ەڭ ءبىرىنشى انا ءتىلىن مەڭگەرۋ كەرەك" دەپ حالىقتى ءبىر قۋانتتى. كەيىن كوپتەن كۇتكەن الىپپەنىڭ ورالاتىنىن ايتتى. بۇل جاڭالىقتان كەيىن حالىق ءسۇيىنشى سۇراپ، شۇكىر دەستى. ەندىگى كەزەكتە جاڭاوزەندىك بالالارمەن اڭگىمەلەسىپ، ولاردىڭ ءتىلىن تابا ءبىلۋى دە الەۋمەتتىك جەلىدە كوپ لايك جيناپ، جاقسى كوممەنتارييلەرگە يە بولدى. بۇل الدىن-الا ۇيىمداستىرىلعان پيار دەگەن سەكىلدى پىكىرلەردىڭ دە جوعىن جاسىرا المايمىز. دەسەك تە كۇلاش شامشيدينوۆا حالىقتىڭ بۇرىنعى مينيستر وشىرگەن ءۇمىتىن قايتا جاققانداي بولدى. باستاماسى جامان ەمەس ايتەۋىر. ەندىگى كەزەكتە ايتىلعان ۋادەلەردىڭ ۋاقىتىلى ورىندالعانىن كۇتەمىز!
پوسموترەت ەتۋ پۋبليكاسيۋ ۆ Instagramمينيستر وبرازوۆانيا ي ناۋكي كۋلياش شامشيدينوۆا پوسەتيلا شكولۋ-گيمنازيۋ ۆ گورودە جاناوزەن
